Excitement in Bhadgaon taluka : Two bodies found in a lake within a span of three days भडगाव (17 नोव्हेंबर 2025) : तीन दिवसांच्या अंतरात एकाच तलावात दोन व्यक्तींचे मृतदेह सापडल्याची धक्कादायक घटना भडगाव तालुक्यातील पिंपरखेड येथे उघडकीस आलयानंतर मोठी खळबळ उडाली.
काय घडले नेमके ?
14 नोव्हेंबर रोजी वाल्मीक संजय हयाळींगे (27) यांचा मृतदेह सरकारी दवाखान्यासमोरील तलावात सापडला. वाल्मीक हा 11 नोव्हेंबरच्या रात्रीपासून बेपत्ता होता. वाल्मीक बेपत्ता असल्याची नोंद पोलिसात असताना 13 नोव्हेंबर रोजी तलावाशेजारील हॉटेलमध्ये काम करणारे नारायण रामदास हयाळींगे (52) हेही रहस्यमयरीत्या बेपत्ता झाले. अखेर, 16 नोव्हेंबर रोजी त्यांचाही मृतदेह त्याच तलावात त्याच ठिकाणी आढळला.
एकाच ठिकाणी, एकाच तलावात तीन दिवसांच्या अंतराने दोघांचे मृतदेह सापडल्यामुळे गावात विविध चर्चांना उधाण आले आहे.
या दुहेरी मृत्यूच्या प्रकरणाची निष्पक्ष चौकशी व्हावी आणि मारेकर्‍यांना तत्काळ अटक व्हावी, या मागणीसाठी संतप्त नातेवाईकांनी एरंडोल-भडगाव महामार्गावर दीड तास रास्ता रोको आंदोलन केले तसेच, शवविच्छेदन इन-कॅमेरा करण्यात यावे, अशी मागणीही त्यांनी केली. पोलिसांनी तपासाची हमी दिल्यानंतर आणि काही संशयितांना ताब्यात घेतल्यानंतर आंदोलन मागे घेण्यात आले.
