भुसावळात आज मंत्री संजय सावकारे यांच्याहस्ते प्रभाग 14 मध्ये भाजप उमेदवारांच्या प्रचार कार्यालयाचे उद्घाटन
भुसावळ (23 नोव्हेंबर 2025) भुसावळ पालिकेच्या आखाड्यात तीन जागा बिनविरोध निवडून आल्यानंतर भाजपा नगरसेवकांच्या गोटात उत्साह वाढला आहे. अशातच निवडणूक रणधुमाळीत संपर्कासाठी इच्छुकांतर्फे प्रचार कार्यालय उघडण्यात येत आहे.
भुसावळ नगरपालिका निवडणुकीतील प्रभाग क्रमांक 14 अ मधून राजेंद्र दत्तात्रय आवटे तर प्रभाग क्रमांक 14 मधून अंकिता खोले-पाटील या भाजपाच्या उमेदवार असून या उमेदवारांच्या प्रचार कार्यालयाचे उद्घाटन रविवार, 23 रोजी सकाळी 11 वाजता राज्याचे वस्त्रोद्योग मंत्री संजय सावकारे यांच्याहस्ते होत आहे.
भाजपाकडून प्रचाराला वेग
भुसावळातील हॉटेल व्यावसायीक तसेच समाजसेवक सारंगधर पाटील यांच्या स्नुषा (सुनबाई) अंकिता खोले-पाटील यांना भाजपाने प्रभाग 14 ब मधून उमेदवारी दिली आहे तर याच भागातील प्रभाग 14 अ मधून राजेंद्र आवटे भाजपाचे उमेदवार आहेत. दोन्ही उमेदवारांनी प्रभाग पिंजून काढला असून मतदारांच्या गाठी-भेटी वाढवल्या आहेत.
आज प्रचार कार्यालयाचे उद्घाटन
प्रभाग 14 मध्ये भाजपाच्या दोन्ी उमेदवारांतर्फे संपर्क कार्यालयाचे उघडण्यात येत असून त्याचे उद्घाटन रविवारी सकाळी 11 वाजता वस्त्रोद्योग मंत्री संजय सावकारे यांच्याहस्ते होत आहे. या कार्यक्रमप्रसंगी भाजपा पदाधिकारी व कार्यकर्त्यांनी तसेच नागरिकांनी उपस्थिती द्यावी, असे आवाहन उमेदवार व त्यांच्या आप्त स्वयकीयांनी केले आहे.
