भुसावळातील प्रभाग क्रमांक एकचा चेहरा-मोहरा बदलणार ! : शिंदे गटाचे उमेदवार अमोल इंगळेंसह ज्योती सोयंके यांची ग्वाही
The face of ward number one in Bhusawal will change ! : Shinde group candidate Amol Ingle and Jyoti Soyinke’s assurance भुसावळ (23 नोव्हेंबर 2025) : भुसावळ नगरपालिका निवडणुकीत माघारीनंतर चित्र स्पष्ट झाले आहे. इच्छूक उमेदवारांनी प्रचाराला जोरदार सुरूवात केली आहे. शहरातील प्रभाग क्रमांक एकमध्ये शिंदे व भाजपा गटाची मैत्रीपूर्ण लढत असल्याने या प्रभागाकडे संपूर्ण शहराचे लक्ष लागले आहे. शिवसेनेचे उपमुख्यमंत्री एकनाथ शिंदे गटातर्फे येथे प्रभाग एक ब मधून माजी नगरसेवक अमोल इंगळे यांना तर एक अ मधून लक्ष्मण सोयंके यांच्या कन्या ज्योती लक्ष्मण सोयंके यांना उमेदवारी देण्यात आली आहे. दोघा उमेदवारांचा मूळातच प्रभागात यापूर्वीपासून संपर्क असून उमेदवारी जाहीर होताच उभयंतांनी प्रचाराला वेग घेत दमदार सुरूवात केली आहे.
प्रभागाचा चेहरा-मोहरा बदलणार !
शिंदे गटाचे उमेदवार अमोल इंगळे व ज्योती सोयंके यांच्याशी संवाद साधल्यानंतर त्यांनी आपली भूमिका मांडताना सांगितले की, मतदारांशी संपर्क वाढवण्यात आला असून निश्चितपणे आम्हाला या निवडणुकीत यश मिळेल यात कोणतीही शंका नाही. यापूर्वी प्रभागात काम केल्याचा अनुभव असल्याने जनतेचे आशीर्वाद आपल्याच पाठीशी असतील, असे अमोल इंगळे यांनी सांगितले तर विकासकामांचे व्हिजन घेवून जनतेपुढे जात असल्याने निश्चितपणे कौल आपल्याला मिळेल, असे ज्योती सोयंके म्हणाल्या.
