भुसावळात नगराध्यक्षांसह भाजपा उमेदवारांनाच मिळणार यश : मंत्री संजय सावकारे यांचा विश्वास

भुसावळ नगरपालिका निवडणुकीतील प्रभाग क्रमांक 14 अ मधून राजेंद्र दत्तात्रय आवटे तर प्रभाग क्रमांक 14 मधून अंकिता खोले-पाटील या भाजपाच्या अधिकृत उमेदवार उभ्या असून त्यांच्या प्रचार कार्यालयाचे रविवारी सकाळी मंत्र्यांनी उद्घाटन केले.

भुसावळकरांचा भाजपाला कौल : अनुभवी उमेदवार
मंत्री संजय सावकारे यांनी कार्यालयाचे उद्घाटन केल्यानंतर सांगितले की, भुसावळकरांचा कौल निश्चितपणे भाजपाला असून प्रभाग 14 मधील उमेदवार राजेंद्र आवटे यांच्या नेतृत्वात अनेक कामे या भागात झाली आहेत त्यामुळे प्रभाग 14 अ मधील राजेंद्र आवटे व प्रभाग 14 ब मधील अंकिता खोले-पाटील यांना नागरिक प्रचंड मतांनी विजयी करतील, असा आम्हाला विश्वास असल्याचे त्यांनी सांगितले.

यांची होती उपस्थिती
यावेळी प्रभागातील भाजपाचे उमेदवार व माजी नगरसेवक राजेंद्र आवटे, उमेदवार अंकिता खोले-पाटील तसेच समाजसेवक सारंगधर पाटील, भाजयुमो शहराध्यक्ष गौरव आवटे, भाजयुमो खजिनदार मनीष पाटील, पांडे गुरूजी, वेद ओझा, किशोर टोके, शिव केतवाल, अनिल अग्रवाल, रवींद्र लेकुरवाळे, संदीप यादव, श्वेतांक चंदेले, योगेश वाघ, पवन राणे, संदीप वाघोदकर, राजेंद्र साळुंखे, पुष्पा राजेंद्र आवटे, संगीता सारंगधर पाटील, मंगला संजय आवटे, अनिषा अग्रवाल, नेहा चंदन, मनीषा गुज्जर, प्रगती फेगडे आदींसह भाजपा पदाधिकारी व कार्यकर्ते उपस्थित होते.