उमर्टीतून राज्यासह गुजरातमध्ये पाच वर्षात आठशेहून अधिक शस्त्रांचा पुरवठा : पोलिस आयुक्त अमितेशकुमार
पुण्यातील गुंड शरद मोहोळसह माजी नगरसेवक वनराज आंदेकर खून प्रकरणात उमर्टीतील शस्त्रांचा वापर
More than 800 weapons supplied to Gujarat including state from Umarti in five years : Police Commissioner Amitesh Kumar पुणे (24 नोव्हेंबर 2025) : शस्त्र बनवण्यासाठी देशभरात प्रसिलेल्या मध्यप्रदेशातील उमर्टी येथे अलीकडे पुण्यातील पोलिसांनी मोठी कारवाई करीत 50 शस्त्रसाठा बनवणार्‍यांच्या कारखान्यावर कारवाई करीत 47 संशयीतांना ताब्यात घेतले होते. पुण्याचे पोलिस आयुक्त अमितेशकुमार यांनी पत्रकार परिषदेत कारवाईची माहिती देताना गत पाच वर्षात उमर्टीतून राज्यासह गुजरातमध्ये आठशेहून अधिक शस्त्रांचा पुरवठा झाल्याची माहिती समोर आल्याचे त्यांनी सांगितले.
पुणे हत्याकांडात उमर्टीतील शस्त्रे
पुण्यातील गुंड शरद मोहोळ, माजी नगरसेवक वनराज आंदेकरच्या खून प्रकरणात व मागील पाच वर्षांत झालेल्या कारवायांमध्ये मध्य प्रदेशमधील उमर्टी गावात बनवण्यात येणार्‍या गावठी पिस्तुलांचा वापर करण्यात आल्याचे त्यांनी सांगत गरज पडल्यास परत त्या गावात घुसून कारवाई केली जाणार असल्याची माहिती त्यांनी दिली शिवाय कारवाईसोबत पुरवठादारांची साखळीसुद्धा मोडून काढणार असल्याचे ते म्हणाले.
यांची होती उपस्थिती
यावेळी सहपोलिस आयुक्त रंजनकुमार शर्मा, अपर पोलिस आयुक्त संजय पाटील, गुन्हे शाखेचे अपर पोलिस आयुक्त पंकज देशमुख, पोलिस उपायुक्त सोमय मुंडे, निखिल पिंगळे आदी उपस्थित होते. या वेळी या कारवाईत सहभागी असणार्‍या 150 पोलिस अधिकारी आणि कर्मचार्‍यांचा सन्मान करण्यात आला.
शस्त्र साठा जप्त
पुणे पोलिसांच्या पथकाने उमर्टीत् 50 भट्या उद्ध्वस्त केल्या. या कारवाईत 47 जणांना ताब्यात घेण्यात आले व त्यापैकी 10 जणांना अटक करण्यात आली. त्यांच्याकडून पिस्तुले, जिवंत काडतुसे तसेच पिस्तुले तयार करण्यासाठी लागणारा मोठा साठा जप्त करण्यात आला आहे. पुणे शहरात येणारे सगळी शस्त्रे याच उमर्टी गावातून येत असल्याचे पोलिस आयुक्त अमितेशकुमार यांनी सांगितले.
मध्य प्रदेश पोलिसांचे सहकार्य : अमितेशकुमार
या कारवाईसाठी मध्य प्रदेश पोलिसांची काय भूमिका राहील याबद्दल शंका होती. मात्र येथील स्थानिक पोलिस आणि मध्य प्रदेश दहशतवादविरोधी पथकाची मोठी मदत झाली. त्यांनी दिलेली शस्त्रे ज्या गुन्ह्यात वापरली गेली आहेत त्यात त्यांना आरोपी करणार. यातील अनेकांवर मोक्कानुसारसुद्धा कारवाई केली जाणार असल्याचे अमितेशकुमार यांनी सांगितले.
