नागरिकांच्या समस्या सोडवण्याला आपले प्रथम प्राधान्य : भुसावळातील प्रभाग क्रमांक ‘नऊ ब’ च्या उमेदवार ममता डागोर यांची ग्वाही
भुसावळ (23 नोव्हेंबर 2025) : नगरपालिका निवडणुकीत जनतेचा आशीर्वाद निश्चितपणे आपल्या सोबत असून निवडून आल्यानंतर नागरिकांच्या समस्या सोडवण्यास आपले प्रथम प्राधान्य असेल, अशी ग्वाही भुसावळातील प्रभाग क्रमांक 9 ब मधून राष्ट्रवादी अजित पवार गटातर्फे रिंगणात असलेल्या ममता अजय डागोर यांनी दिली. प्रभागाशी मूळात त्यांची यापूर्वीपासून त्यांची नाळ जुळली आहे. निवडणुकीनिमित्ताने त्यांनी पुन्हा संपर्क जोमात वाढवत प्रचारात वेग घेतला आहे. सकाळी व सायंकाळी त्यांच्या समर्थकांतर्फे तसेच समाजसेवक असलेले पती अजय डागोर यांच्या माध्यमातून प्रभागात जोरदार प्रचार केला जात आहे.
प्रभागाचा विकास हेच धोरण
ममता डागोर मतदारांशी संवाद साधला असता त्या म्हणाल्या की, आपली उमेदवारी केवळ राजकारणासाठी नाही तर जनसामान्यांच्या समस्या सोडवण्यासाठी आहे. मतदारांनी या निवडणुकीत आपल्याला कौल दिल्यास निश्चितपणे प्रभाग क्रमांक 9 ब चा कायापालट झाल्याशिवाय राहणार नाही, असे त्यांनी सांगितले. याच भागातील रहिवासी असलेल्या उमेदवार डागोर व समाजसेवक असलेल्या अजय डागोर यांना संपूर्ण प्रभाग परीचीत असून त्यांनीही प्रचाराची धूरा सांभाळली आहे.
निवडणूक रणधुमाळीत उमेदवाराचे पती अजय डागोर (डागोर साहब) व कार्यकर्त्यांनी संपूर्ण प्रभागातील मतदारांच्या गाठीभेटी वाढवल्या आहेत तसेच मतदारांचे आशीर्वाद घेताना मतदारांच्या समस्याही आस्थेवाईकपणे जाणल्या जात आहेत. मतदारांनी प्रभागातून संधी दिल्यास निश्चितपणे प्रभागाचा कायापालट करू, असे उमेदवार ममता डागोर यांनी सांगितले.
या भागात झाला प्रचार दौरा
रविवारी व सोमवारी राष्ट्रवादीच्या उमेदवार ममता डागोर यांच्या कार्यकर्त्यांनी प्रभाग नऊमधील महात्मा फुले नगर, भारत नगर, काशीराम नगरामागील भाग तसेच आराधना कॉलनीचा भाग पिंजून काढत मतदारांशी संवाद साधला. यावेळी प्रचार रॅलीचे स्वागतही झाले. प्रसंगी कैलास मट्टू, नितीन करोसिया, देवेंद्र करोसिया, दुर्गेश चावरीया, बबलू कच्छवे, रणजीत कच्छवे, दुर्गेश चावरे आदींसह नागरिकांची उपस्थिती होती.
