सिने अभिनेते धर्मेंद्र यांच्या निधनाची बातमी दुःखदायक : आमदार एकनाथराव खडसे
भुसावळ (24 नोव्हेंबर 2025) : भारतीय चित्रपटसृष्टीतील अजरामर व अप्रतिम अभिनयाने जनमानसाच्या मनात घर करणारे सिने-अभिनेते धर्मेंद्रजी यांच्या निधनाची बातमी अत्यंत दुःखदायक असल्याचे माजी मंत्री व आमदार एकनाथराव खडसे यांनी म्हटले आहे. धर्मेंद्र यांच्यासोबतच्या अनेक आठवणींना त्यांनी यावेळी उजाळा दिला आहे.
नाथाभाऊ म्हणाले की, साधेपणा, अढळ मेहनत, विनम्र स्वभाव आणि अभिनयातील विलक्षण दैदिप्यमानता यामुळे ते खर्‍या अर्थाने सर्वांच्या आदराचे मानकरी होते. आपल्या धर्मेंद्र यांच्याशी जिव्हाळ्याचे कौटुंबिक संबंध होते.
