जनतेचा कौल आपल्यालाच मिळणार ! : भुसावळातील प्रभाग एकमधील शिंदे गटाचे उमेदवार अमोल इंगळे व ज्योती सोयंके यांचा विश्वास
भुसावळ (26 नोव्हेंबर 2025) : पालिकेत प्रश्न मांडून समस्या सोडवण्याचा असलेला अभ्यास व केलेल्या विविध विकासकामांमुळे जनतेचा आशीर्वाद निश्चितपणे आपल्याला लाभेल, असा विश्वास भुसावळ नगरपालिका निवडणुकीतील शहरातील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांनी व्यक्त केला. इंगळे यांच्यासह याच प्रभागातून शिंदे गटाच्या ज्योती लक्ष्मण सोयंके उमेदवार असून त्यांनीही प्रचारात आघाडीत कार्यकर्त्यांसमवेत प्रभागातील नागरिकांच्या डोअर टू डोअर जावून भेटी-गाठी वाढवल्या असून त्यांनाही उत्स्फूर्त प्रतिसाद लाभत आहे.
मूलभूत समस्या सोडवण्यासह प्रभागाचा विकास हाच ध्यास
शिंदे गटाचे उमेदवार अमोल इंगळे व ज्योती सोयंके यांच्याशी संवाद साधला असता त्यांनी सांगितले की, निश्चितपणे प्रभागाच्या विकासाचे व्हिजन आपल्याकडे आहे शिवाय काही समस्यांचे निराकरण बाकी असलेतरी निवडणुकीत मतदारांनी आपल्याला कौल दिल्यास या समस्यादेखील निश्चितपणे आपण सोडवू.
निश्चितपणे जनमताचा कौल या निवडणुकीत आम्हाला असेल, असा विश्वासही त्यांनी बोलताना व्यक्त केला. मूलभूत सेवा-सुविधा पुरवण्यावर आमचा भर असेल, असे दोन्ही उमेदवारांनी यावेळी सांगितले.
कॉर्नर मिटिंग, प्रत्यक्ष मतदारांच्या गाठीभेटी
शिंदे गटातील उमेदवार अमोल इंगळे व ज्योती सोयंके यांनी प्रभाग एकमधील विविध कॉलन्यांमध्ये आता होम टू होम जावून मतदारांच्या गाठी-भेटी वाढवल्या आहेत. मतदारांचे काही प्रश्नही उमेदवार शांततेत ऐकून घेत असून संधी मिळाल्यानंतर या समस्यांचे निराकरण करण्याची ग्वाही देत आहेत.
