भुसावळातील प्रभाग क्रमांक 1 मधील मानसबाग भागात शिंदे गटाच्या उमेदवारांचे उत्स्फूर्त स्वागत
शिंदे गटाचे उमेदवार अमोल इंगळे व ज्योती सोयंके यांनी निवडून येणार असल्याचा व्यक्त केला विश्वास
भुसावळ (26 नोव्हेंबर 2025) : भुसावळ नगरपालिका निवडणुकीतील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांनी प्रभाग क्रमांक एकमध्ये अत्यंत नियोजनबद्धरित्या प्रचाराला सुरूवात केली आहे. प्रत्येक मतदारापर्यंत पोहोचण्याचा संकल्प करीत उमेदवारांनी प्रभाग अक्षरशा पिंजून काढला आहे. बुधवारी प्रभागातील मानसबाग भागात झालेले स्वागत पाहून उमेदवारांनी निश्चितपणे आपलाच निवडणुकीत विजय झाल्याशिवाय राहणार नाही, असा विश्वास व्यक्त केला.
समस्या सोडवण्याची देताय ग्वाही
प्रभाग एकमधील सर्वच कॉलनी भागात शिंदे गटाच्या दोन्ही उमेदवारांनी संपर्क वाढवला आहे. उमेदवारांसह त्यांचे समर्थक त्यांची भेट घेत असून त्यांच्या समस्या जाणून घेत आहेत. मतदारांनी संधी दिल्यास निश्चितपणे समस्या सोडवण्याची ग्वाही यावेळी उमेदवारांनी यावेळी दिली. ठिकठिकाणी उमेदवारांचे उत्स्फूर्तपणे स्वागत करण्यात आले.
प्रभागाचा चेहरा-मोहरा बदलणार
शिंदे गटाचे उमेदवार अमोल इंगळे व ज्योती सोयंके यांनी मतदारांनी संधी दिल्यास निश्चितपणे नागरिकांच्या समस्या सोडवू, अशी ग्वाही दिली शिवाय निश्चितपणे आम्हाला या निवडणुकीत यश मिळेल यात कोणतीही शंका नसल्याचा विश्वासही व्यक्त केला.
कॉर्नर मिटिंग, प्रत्यक्ष मतदारांच्या गाठीभेटी
शिंदे गटातील उमेदवार अमोल इंगळे व ज्योती सोयंके यांनी प्रभागातील मतदारांच्या गाठी-भेटी सुरू करीत कॉर्नर मिटिंगवरही भर दिला आहे.
