भुसावळकरांचा कौल भाजपालाच मिळणार ! प्रभाग क्रमांक 14 मधील रॅलीप्रसंगी कार्यकर्त्यांचा विश्वास
भुसावळ (27 नोव्हेंबर 2025) : भुसावळ पालिका निवडणुकीतील नगराध्यक्ष पदाच्या उमेदवार सौ.रजनीताई संजय सावकारे व प्रभाग 14 अ व ब मधील उमेदवार राजेंद्र आवटे व अंकिता खोले-पाटील यांच्या प्रचारार्थ गुरुवार, 27 रोजी सायंकाळी प्रभागातून मोठ्या संख्येने कार्यकर्त्यांच्या उपस्थितीत व वस्त्रोद्योग मंत्री संजय सावकारे यांच्या नेतृत्वात प्रचार रॅली काढण्यात आली. ठिकठिकाणी रॅलीचे औक्षण करून तसेच फुलांचा वर्षावात स्वागत करण्यात आले.
शहरातील प्रगती पथावरील कामे तसेच झालेल्या विकासकामांमुळे प्रभाग 14 मधील उमेदवार मोठ्या मतांनी विजयी होतील शिवाय नगराध्यक्षपदाच्या उमेदवार रजनी सावकारे यादेखील प्रचंड मतांनी विजयी होतील, असा विश्वास यावेळी भाजपेयींनी माध्यमांशी बोलताना व्यक्त केला.
भाजपा रॅलीचे उत्स्फूर्त स्वागत
वॉर्ड क्रमांक 14 मधील भाजपा पक्ष कार्यालयपासून गुरुवारी सायंकाळी प्रचार रॅलीला सुरुवात झाली. ढोल-ताशांचा गजर, भाजपा उमेदवारांसह नगराध्यक्ष व नेत्यांचे कट आऊट घेवून कार्यकर्त्यांनी उत्साह निर्माण केला. शहरातील फालक नगर, सरस्वती नगर, बुद्ध विहार, गुंजाळ कॉलनी, रिंग रोड, लक्ष्मी नारायण नगर, गडकरी नगर, गांधी नगर, महाकॉल चौक, प्रल्हाद नगर आदी भागातून निघालेल्या रॅलीचे सर्वत्र स्वागत करण्यात आले.
यांचा रॅलीत सहभाग
या रॅलीत भाजपा शहराध्यक्ष संदीप सुरवाडे, भाजयुमो शहराध्यक्ष गौरव आवटे, भाजयुमो खजिनदार मनीष पाटील, रवींद्र ढगे, हितेश टकले, रवी लेकुरवाळे, गौतम जाधव, जयेश राणे, कौस्तुभ देशमुख, पवन गुज्जर, राजेंद्र साळुंखे, प्रल्हाद काका, अनिल अग्रवाल राज रायकर, अंकुश वावरे, लाजरस मणी, शैलेश राजपूत, कमलेश लोधी आदींसह भाजपा कार्यकर्ते व नागरिक सहभागी झाले.
