भुसावळातील प्रभाग क्रमांक एकचा विकास करणार : शिंदे गटाचे उमेदवार अमोल इंगळे व ज्योती सोयंके यांची ग्वाही
भुसावळ (27 नोव्हेंबर 2025) : भुसावळ नगरपालिका निवडणुकीतील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांनी प्रभाग क्रमांक एकमधील गजानन महाराज नगर, प्रभात कॉलनी, पवन नगर, दलभद्र हनुमान मंदिर परिसरात जोरदार प्रचार रॅली काढत मतदारांशी संवाद साधला. मतदारांच्या समस्याही ऐकून संधी मिळाल्यानंतर त्यांचे निराकरण करण्याची यावेळी ग्वाही दिली. मतदारांचा वाढता प्रतिसाद पाहता निश्चितपणे निवडणुकीत आम्ही विजयी होवू, असा विश्वास दोन्ही उमेदवारांनी यावेळी व्यक्त केला.
प्रभागाचा विकास हाच ध्यास
प्रभाग एकमधील सर्वच कॉलनी भागात शिंदे गटाच्या दोन्ही उमेदवारांनी संपर्क वाढवला आहे. उमेदवारांसह त्यांचे समर्थक त्यांची भेट घेत असून त्यांच्या समस्या जाणून घेत आहेत. मतदारांनी संधी दिल्यास निश्चितपणे समस्या सोडवण्याची ग्वाही यावेळी उमेदवार भेटीप्रसंगी देत आहेत. ठिकठिकाणी उमेदवारांचे उत्स्फूर्तपणे स्वागत करण्यात आले.
