भुसावळच्या विकासासाठी काँग्रेस उमेदवार सविता सुरवाडे यांना विजयी करा : काँग्रेसचे प्रदेश सरचिटणीस मुफ्ती हारुण नदवी
भुसावळ (28 नोव्हेंबर 2025) : भुसावळ शहराच्या चौफेर विकासासाठी सविता प्रवीण सुरवाडे या सक्षम नेतृत्व असून त्यांना भरघोस मतांनी निवडून द्या, असे आवाहन भुसावळातील जाहीर सभेत भारतीय राष्ट्रीय काँग्रेसचे प्रदेश सरचिटणीस मुफ्ती हारुण नदवी यांनी येथे केले. काँग्रेस रिंगणातील उमेदवारांच्या प्रचारार्थ बुधवार, 26 रोजी खडका रोड भागातील जाहीर सभेत ते बोलत होते. यावेळी भाजपा, दोन्ही राष्ट्रवादी व शिंदे गटावर व नेत्यांवर सडकून टीका केली.
भाजपा-राष्ट्रवादी-शिंदे गट आतून एकच
बुधवार, 26 रोजी रजा टॉवर परिसरातील जाहीर सभेत काँग्रेसचे प्रदेश सरचिटणीस मुफ्ती हारुण नदवी यांनी भाजपा, राष्ट्रवादी अजित पवार गट व शिंदे गट आतून एकच असल्याचे सांगितले. भुसावळातील प्रभाग क्रमांक 21 व 23 मध्ये तुतारीच्या उमेदवारांनी माघार का घेतली? याचे स्पष्टीकरण माजी आमदार संतोष चौधरींनी द्यावे, असे आवाहनही त्यांनी केले.
यांची व्यासपीठावर उपस्थिती
यावेळी व्यासपीठावर काँग्रेसच्या नगराध्यक्ष पदाच्या उमेदवार सविता प्रवीण सुरवाडे, अॅड.प्रवीण सुरवाडे, योगेंद्रसिंग पाटील, अल्पसंख्यांकचे प्रदेश उपाध्यक्ष मुन्वर खान, शहराध्यक्ष रवींद्र निकम, रहिम कुरेशी, शेख फिरोज रहेमान, राजू डोंगरदिवे, इलियास इकबाल मेमन आदींसह पदाधिकारी उपस्थित होते.
