भुसावळातील प्रभाग 24 मधील प्रलंबित प्रश्न सोडवणार : राष्ट्रवादी अजित पवार गटाच्या उमेदवार सुषमा नेमाडे
भुसावळ (27 नोव्हेंबर 2025) : जनसेवा हीच ईश्वरसेवा मानुन आपण निवडणूक रिंगणात उतरलो असून मतदारांनी संधी दिल्यास प्रभागातील मूलभूत समस्या सोडवण्यास प्रभागाचा चौफेर विकास निश्चितपणे करू, असा आशावाद भुसावळ नगरपालिका निवडणूक रिंगणातील राष्ट्रवादी अजित पवार गटातील प्रभाग 24 ब मधील उमेदवार सुषमा नेमाडे यांनी व्यक्त केला. निवडणुकीनिमित्त त्यांच्यासह कार्यकर्त्यांनी प्रभागातील प्रत्येक नागरिकाशी डोअर टू डोअर संपर्क करीत प्रचार वाढवला आहे.
प्रभागाचा सर्वांगीण विकास हाच आपला ध्यास असून जनमताचा कौल निश्चितपणे आपल्या बाजूने असेल, असा आशावाद सुषमा उमेश नेमाडे यांनी यावेळी बोलताना व्यक्त केला.
प्रचार रॅलीतून मतदारांशी संवाद
राष्ट्रवादी अजित पवार गटाचे जिल्हाध्यक्ष उमेश नेमाडे यांच्या सौभाग्यवती असलेल्या व अनुभवी म्हणून काम केलेल्या माजी नगरसेविका सुषमा उमेश नेमाडे यांच्या प्रचार रॅलीला प्रभागातील मतदार उत्स्फूर्तपसणे प्रतिसाद देत आहेत शिवाय प्रचार रॅलीचे उत्स्फूर्त स्वागत केले जात असून ठिकठिकाणी उमेदवाराचे औक्षणही केले जात आहे.
सुषमा नेमाडे यांच्या विजयासाठी पती पक्षाचे जिल्हाध्यक्ष उमेश नेमाडे तसेच राष्ट्रवादीच्या कार्यकर्त्यांनी नियोजनबद्धरित्या प्रचार सुरू केला आहे.
