भुसावळ नगराध्यक्षपदी रजनी सावकारेंचीच वर्णी लागणार ! : चार प्रभागातील प्रचार दौर्‍यानंतर भाजपा कार्यकर्त्यांचा विश्वास
वस्त्रोद्योग मंत्री संजय सावकारे यांचा प्रचार दौर्‍यात सहभाग
भुसावळ (28 नोव्हेंबर 2025) : विकासाच्या मुद्यावर आम्ही निवडणुकीला सामोरे जात असून निश्चितपणे संधी मिळाल्यानंतर प्रलंबित प्रश्नांचा निपटारा करण्या येईल, जनतेचा उत्स्फूर्त प्रतिसाद पाहता भाजपा नगराध्यक्ष पदाच्या उमेदवार रजनीताई संजय सावकारे या प्रचंड मतांनी विजयी होतील, असा विश्वास भाजपा कार्यकर्त्यांनी शुक्रवार, 28 रोजी निघालेल्या प्रचार रॅलीप्रसंगी व्यक्त केला.
नगरपरिषद निवडणुकीत भाजपा, शिवसेना, रिपाई, लहुजी शक्ती सेना महायुतीच्या लोकनियुक्त नगराध्यक्ष पदाच्या उमेदवार सौ.रजनी संजय सावकारे यांच्या प्रचारार्थ शुक्रवारी शहरातील प्रभाग 2,3,4,20 आदी प्रभागात प्रचार दौरा काढण्यात आला.
या भागातून निघाली प्रचार रॅली
सौ.रजनी सावकारे यांनी येणार्‍या काळात आपल्याला संधी दिल्यास सर्व प्रश्न नक्कीच सोडवले जातील असा विश्वास व्यक्त केला. लोकनियुक्त नगराध्यक्षपदासाठी महायुतीतर्फे निवडणूक लढवणार्‍या रजनी संजय सावकारे. मंत्री संजय सावकारे यांनी शुक्रवारी सकाळच्या सत्रात प्रभाग क्र 2, 3, 4 मध्ये प्रचार दौरा काढण्यात आला. प्रचार दौर्‍याची सुरवात मैत्रेय बौद्ध विहार, नालंदा नगर आणि सप्तश्रृंगी माता मंदिर येथून सुरवात करण्यात आली.
उमेदवारांचा नागरिकांशी संवाद
वस्त्रोद्योग मंत्री संजय सावकारे व भाजपा उमेदवार रजनी सावकारे यांनी नागरिकांशी संवाद साधत मतदारांपर्यंत आगामी काळातील भाजपा उमेदवारांचे संदेश आणि महायुतीचे विकास दृष्टिकोन पोहोचविण्यात आला. यावेळी प्रभागातील मतदारकडून प्रचारादरम्यान उदंड प्रतिसाद दिसून येत आहे.
शुक्रवारी दुपारच्या सत्रात प्रभाग क्रमांक 20 व 21 मध्ये येथे प्रचार दौर्‍यात नागरिकांच्या भेटी घेऊन प्रभागातील समस्या जाणून घेतल्या. यावेळी भाजप महायुतीचे पदाधिकारी, माजी नगरसेवक, कार्यकर्ते आणि प्रभागातील मतदार महिला-पुरुषांसह शेकडो मतदारांचा जनसमुदाय प्रचार मिरवणुकीत स्वयंस्फूर्तीने सहभागी होता.
