भाजपाने तिकीट कापून अन्याय केला मात्र जनतेचा आशीर्वाद असल्याने निश्चित विजयी होण्याचा विश्वास : वरणगावातील अपक्ष उमेदवार सुनील काळे
वरणगाव (28 नोव्हेंबर 2025) : भाजपाचा निष्ठावान कार्यकर्ता म्हणून काम केले, टीका सहन केली, गुन्हेदेखील दाखल करून घेतले मात्र निवडणुकीत भाजपाने जात व पैसा पाहून आपली उमेदवारी कापली मात्र या अन्यायाविरोधात आता जनताच पेटून उठली आहे. 2 डिसेंबरच्या निवडणुकीत सर्व चित्र स्पष्ट होईल व आपला निश्चितपणे विजय होईल, असा विश्वास वरणगावजवळील सिद्धेश्वर नगरातील डॉ.बाबासाहेब आंबेडकर स्मारकाजवळ शुक्रवारी सायंकाळी झालेल्या प्रचार रभेत वरणगाव नगराध्यक्ष पदाचे अपक्ष उमेदवार सुनील काळे यांनी व्यक्त केला.
व्यासपीठावर यांची होती उपस्थिती
व्यासपीठावर अपक्ष उमेदवार सुनील काळे यांच्यासह निष्ठावान कार्यकर्ते सुनील माळी, रुख्मिणी काळे, अरुण बावने आदींची उपस्थिती होती.
दुध का दुध पाणी का पाणी होईल
उमेदवार सुनील काळे यांनी वरणगावकरांसाठी आणलेल्या पाणी योजनेचा संघर्ष सांगितला. अडीच वर्ष संधी मिळाल्यानंतर काम घेवून येणार्यांची आपण जात पाहिली नाही मात्र आपली उमेदवारी जात व पैसा पाहून कापण्यात आली मात्र आपल्यावरील अन्यायाचा बदला आता सुज्ञ जनताच निकालातून घेईल, असे अपक्ष उमेदवार सुनील काळे यावेळी म्हणाले.
हा तर तिरंग्याचाही अपमान
आपण निवडणुकीसाठी एक-एक रुपया जमा करीत असल्यावर लोकप्रतिनिधींनी आपल्यावर टीका केली मात्र आपण लोकसहभागातून तिरंगा सर्कल उभारले असल्याने हा तर झेंड्याचाही अपमान असल्याचे सुनील काळे म्हणाले. येणार्या काळात जनता यांना त्यांची जागा दाखवणार असल्याचे सुनील काळे म्हणाले.
