भुसावळातील सकल नाभिक समाजाचा भाजपा उमेदवार रजनीताई सावकारे यांना जाहीर पाठिंबा
जनतेच्या अपेक्षांना खरे उतरण्याचा प्रयत्न करणार : मंत्री संजय सावकारे
भुसावळ (29 नोव्हेंबर 2025) : भुसावळचे आमदार मंत्री संजय सावकारे यांनी श्री संत सेना सामाजिक सभागृह विकसीत करण्यासाठी कायम साथ दिली ते समाजासोबत असल्याने सकल नाभिक समाजाचा भाजपा नगराध्यक्ष पदाच्या उमेदवार रजनीताई सावकारे यांना जाहीर पाठिंबा असेल, असे समाजाच्या पदाधिकार्यांनी भाजपा संपर्क कार्यालयात पाठिंब्याचे पत्र शनिवारी देतान सांगितले. यावेळी समाजबांधव मोठ्या संख्येने उपस्थित होते.
अपेक्षांना खरे उतरण्याचा प्रयत्न करणार
शहरातील विविध समाजाची आपल्याला खंबीर साथ लाभत असून नाभिक समाजबांधवांनी दर्शवलेल्या पाठिंब्याने निश्चितपणे ताकद वाढली असून जनतेच्या अपेक्षांना खरे उतरण्याचा प्रयत्न करू, असा आशावाद मंत्री संजय सावकारे यांनी यावेळी व्यक्त केला.
