भुसावळातील प्रभाग क्रमांक 24 मध्ये राष्ट्रवादी उमेदवारांचा विजय निश्चित ! : प्रचार रॅलीप्रसंगी कार्यकर्त्यांचा विश्वास
भुसावळ (29 नोव्हेंबर 2025) : भुसावळातील प्रभाग 24 मधून राष्ट्रवादी अजित पवार गटातील दोन्ही उमेदवार प्रचंड मतांनी विजयी होतील, असा विश्वास प्रचार रॅलीप्रसंगी कार्यकर्त्यांनी व्यक्त केला. प्रभाग 24 अ मधून राष्ट्रवादीने शिशिर जावळे तसेच 24 ब मधून सुषमा नेमाडे यांनी उमेदवारी जाहीर करण्यात आली आहे. दोन्ही उमेदवारांनी प्रचारात मोठी आघाडी घेतली असून जनतेचा आशीर्वादही त्यांना लाभत आहे. निवडणुकीनिमित्त त्यांच्यासह कार्यकर्त्यांनी प्रभागातील प्रत्येक नागरिकांशी डोअर टू डोअर संपर्क करीत प्रचार वाढवला आहे.
प्रचार रॅलीचे उत्स्फूर्त स्वागत
प्रभाग क्रमांक 24 अ व ब मधील उमेदवार सौ.सुषमा उमेश नेमाडेसह शिशिर जावळे यांनी कार्यकर्त्यांसह शनिवारी सायंकाळी गणराया विहार, विनायक समर्थ कॉलनी, चिकूचा मळा, देना नगराचा काही भागात प्रचार दौरा केला. या प्रचार दौर्याचे मतदारांनी उत्स्फूर्तपणे स्वागत केले. यावेळी उमेदवारांनी प्रभागातील नागरिकांच्या समस्या जाणून घेत संधी मिळाल्यानंतर त्या सोडवण्याचे आश्वासन दिले.





