भुसावळ पालिकेत भाजपाच झेंडा फडकणार ! भाजप उमेदवार रजनी सावकारेंच्या प्रचार दौर्‍यात भाजपेयींचा विश्वास
भुसावळ (29 नोव्हेंबर 2025) : नगरपरिषद निवडणुकीतील भाजपा, शिवसेना, रिपाई, लहुजीशक्ती सेना महायुतीच्या लोकनियुक्त नगराध्यक्ष पदाच्या उमेदवार सौ.रजनी संजय सावकारे यांच्या प्रचारार्थ शनिवार, 29 नोव्हेंबर रोजी शहरातील प्रभाग क्र 6, 25 व 24 आदी प्रभागात प्रचार दौरा काढण्यात आला. यावेळी प्रचार दौर्‍याला मिळालेला प्रतिसाद पाहून कार्यकर्त्यांनी भुसावळ पालिकेवर भाजपाचाच झेंडा फडकेल व रजनीताई सावकारे या प्रचंड मतांनी विजयी होतील, असा विश्वास व्यक्त केला.
जनतेचे प्रश्न सोडवणयची ग्वाही
सौ.रजनीताई सावकारे यांनी येणार्‍या काळात आपल्याला संधी दिल्यास सर्व प्रश्न नक्कीच सोडवले जातील, असा विश्वास व्यक्त केला. लोकनियुक्त नगराध्यक्षपदासाठी महायुतीतर्फे निवडणूक लढवणार्‍या रजनी संजय सावकारे आणि मंत्री संजय सावकारे यांनी शनिवारी सकाळच्या सत्रात प्रभाग क्र 6 व 25 मध्ये प्रचार दौरा काढला.
प्रचार दौर्‍याची सुरवात विश्वकर्मा मंदिर, गवळी वाडा येथून झाली. मंत्री
संजय सावकारे, रजनी सावकारे यांनी नागरिकांशी संवाद साधत मतदारांपर्यंत आगामी काळातील भाजपा उमेदवारांचे संदेश आणि महायुतीचे विकास दृष्टिकोन पोहोचविण्यात आला. यावेळी प्रभागातील मतदारांकडून प्रचारादरम्यान उदंड प्रतिसाद दिसून येत आहे.
यानंतर शनिवारी दुपारच्या सत्रात प्रभाग क्रमांक 24 मध्ये येथे प्रचार दौर्‍यात नागरिकांच्या भेटी घेऊन प्रभागातील समस्या जाणून घेतल्या. यावेळी भाजप महायुतीचे पदाधिकारी, माजी नगरसेवक, कार्यकर्ते आणि प्रभागातील मतदार महिला-पुरुषांसह शेकडो मतदारांचा जनसमुदाय प्रचार मिरवणुकीत स्वयंस्फूर्तीने सहभागी होता.
