भाजपाची सत्ता आल्यानंतर वरणगावकरांना दररोज पाणी : मंत्री संजय सावकारे यांची ग्वाही
वरणगाव (30 नोव्हेंबर 2025) : वरणगावकरांनी भाजपाला एकहाती सत्ता दिल्यास वरणगावकरांना दररोज पाणी मिळेल, अशी ग्वाही वस्त्रोद्योग मंत्री संजय सावकारे यांनी येथे नुकत्याच झालेल्या जाहीर प्रचार सभेत दिली. वरणगाव नगराध्यक्षपदाच्या उमेदवार शामल झांबरे यांच्या प्रचारार्थ आयोजित सभेत ते बोलत होते.
वरणगाव पालिका मीच आणली : मंत्री संजय सावकारे
वरणगावात पूर्वी येथे ग्रामपंचायत होती मात्र त्यावेळी मी राष्ट्रवादीत असताना आमदार होतो व आपण पाठपुरावा केल्यानंतर येथे नगरपालिका झाली, असेही मंत्री सावकारे म्हणाले. वरणगावात एसआरपीएफ सेंटर मंजुरीवरून अनेकांनी श्रेय लाटले मात्र मंजूर केंद्र पुन्हा दुसरीकडे अर्थात जामखेडला ते गेल्यानंतर आपण पाठपुरावा केल्यानंतर पुन्हा आपण केंद्र आणून निधीही मंजूर केला.
