होम टू होम भेटीतून भुसावळातील प्रभाग एकमध्ये शिंदे गटातील उमेदवारांचा मतदारांशी संवाद
भुसावळ (30 नोव्हेंबर 2025) : भुसावळ शहरातील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांनी संपूर्ण प्रभागातील मतदारांशी आता होम टू होम संपर्क सुरू केला आहे. मतदारांच्या जीवनाशी निगडीत समस्या जाणल्यानंतर त्यांचे कशा पद्धत्तीने संधी मिळाल्यानंतर निवारण करता येईल तसेच विकासाच्या दृष्टीने प्रभागासाठी काय करता येईल याबाबत उमेदवार व कार्यकर्ते मतदारांना व्हिजन सांगत आहेत. प्रचाराला नागरिकांकडून मिळणार्‍या उत्स्फूर्त प्रतिसादाने कार्यकर्ते भारावले असून विजय आपलाच होईल, असा विश्वासही ते व्यक्त करीत आहेत.
निश्चितपणे प्रभागाच्या समस्या सोडवणार
प्रभाग क्रमांक एकमध्ये शिंदे गटाच्या उमेदवारांनी प्रचारात वेग घेतला आहे. निष्ठावान कार्यकर्त्यांसोबत दोन्ही उमेदवार हाता होम टू होम प्रचार करीत असून त्यांच्या माध्यमातून नागरिकांच्या समस्या जाणून घेतल्या जात आहे शिवाय मतदारांनी संधी दिल्यास निश्चितपणे समस्या सोडवण्यात येतील, अशी ग्वाही देखील दिली जात आहे. प्रचाराला वाढता प्रतिसाद पाहून कार्यकर्त्यांचा उत्साह वाढला आहे शिवाय जनतेतून उमेदवारांचे उत्स्फूर्तपणे स्वागत केले जात आहे.
