भुसावळातील प्रभाग 14 मधून भाजपाचे दोन्ही उमेदवार प्रचंड मताधिक्याने विजयी होणार : प्रचार दौर्याप्रसंगी कार्यकर्त्यांचा विश्वास
भुसावळ (30 नोव्हेंबर 2025) : भुसावळ पालिका निवडणुकीतील नगराध्यक्ष पदाच्या उमेदवार सौ.रजनीताई संजय सावकारे व प्रभाग 14 अ व ब मधील उमेदवार राजेंद्र आवटे व अंकिता खोले-पाटील हे प्रचंड मताधिक्यांनी विजयी होतील, असा विश्वास भाजपा कार्यकर्त्यांनी रविवारी होम टू होम प्रचार दौर्यानंतर व्यक्त केला. या प्रभागात माजी नगरसेवक राजेंद्र आवटे यांनी विविध कामे केली असून आगामी काळात उर्वरीत कामांना प्राधान्य दिले जाईल, अशी ग्वाही मतदारांना यावेळी कार्यकर्ते देत आहेत.
निश्चितपणे दोन्ही उमेदवारांचा विजय होणार
भुसावळ शहरातील प्रगती पथावरील कामे तसेच झालेल्या विकासकामांमुळे प्रभाग 14 मधील उमेदवार मोठ्या मतांनी विजयी होतील शिवाय नगराध्यक्षपदाच्या उमेदवार रजनी सावकारे यादेखील प्रचंड मतांनी विजयी होतील, असा विश्वास यावेळी भाजपा पदाधिकार्यांनी प्रचार दौर्याप्रसंगी व्यक्त केला.
होम टू होम प्रचार
वॉर्ड क्रमांक 14 मधील गडकरी नगर, फालक नगर, सरस्वती नगर, बुद्ध विहार, गुंजाळ कॉलनी, रिंग रोड, लक्ष्मी नारायण नगर, गांधी नगर, महाकॉल चौक, प्रल्हाद नगर आदींसह संपूर्ण भागात उमेदवारांसह त्यांचे कार्यकर्ते होम टू होम जावून विकासाचे व्हिजन मांडत आहेत शिवाय मतदारांच्या समस्याही जाणून त्या सोडवण्याचे आश्वासन देत आहेत.
