भुसावळातील प्रभाग एकमध्ये शिंदे गटाचे उमेदवार दणदणीत मतांनी विजयी होणार : कार्यकर्त्यांचा विश्वास
भुसावळ (30 नोव्हेंबर 2025) : भुसावळ शहरातील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे तसेच ज्योती लक्ष्मण सोयंके या पालिका निवडणुकीत भरघोस मतांनी विजयी होतील, असा विश्वास शिंदे गटातील पदाधिकार्यांनी प्रचार दौर्याप्रसंगी व्यक्त केला. रविवार, 30 रोजी शिंदे गटातील उमेदवारांच्या प्रचारार्थ कार्यकर्ते होम टू होम जावून मतदारांच्या गाठीभेटी घेत आहेत. प्रचाराला लाभलेला उत्स्फूर्त प्रतिसाद पाहून दोन्ही उमेदवार प्रचंड मतांनी विजयी होतील, असा विश्वास यावेळी कार्यकर्त्यांनी व्यक्त केला.
मूलभूत समस्या सोडवण्यासह प्रभागाचा विकास हाच ध्यास
शिंदे गटाचे उमेदवार अमोल इंगळे व ज्योती सोयंके यांच्याशी संवाद साधला असता त्यांनी सांगितले की, निश्चितपणे प्रभागाच्या विकासाचे व्हिजन आपल्याकडे आहे शिवाय काही समस्यांचे निराकरण बाकी असलेतरी निवडणुकीत मतदारांनी आपल्याला कौल दिल्यास या समस्यादेखील निश्चितपणे आपण सोडवू.
निश्चितपणे जनमताचा कौल या निवडणुकीत आम्हाला असेल, असा विश्वासही त्यांनी बोलताना व्यक्त केला. मूलभूत सेवा-सुविधा पुरवण्यावर आमचा भर असेल, असे दोन्ही उमेदवारांनी यावेळी सांगितले.
कॉर्नर मिटिंग, प्रत्यक्ष मतदारांच्या गाठीभेटी
शिंदे गटातील उमेदवार अमोल इंगळे व ज्योती सोयंके यांनी प्रभाग एकमधील विविध कॉलन्यांमध्ये आता होम टू होम जावून मतदारांच्या गाठी-भेटी वाढवल्या आहेत. मतदारांचे काही प्रश्नही उमेदवार शांततेत ऐकून घेत असून संधी मिळाल्यानंतर या समस्यांचे निराकरण करण्याची ग्वाही देत आहेत.
