भडगाव (18 जानेवारी 2026) : भडगाव बसस्थानकावर बसमध्ये चढत असताना प्रवाशांच्या गर्दीचा फायदा घेत 66 हजार रुपये किंमतीची सोन्याचे पोत चोरट्याने लांबवली. याप्रकरणी भडगाव पोलीस ठाण्यात चोरीचा गुन्हा दाखल करण्यात आला.
गर्दीचा फायदा घेत चोरी
स्नेहल नवीनचंद्र भावसार (50, रा.दोंडाईचा, शहादा रोड, ता.शिंदखेडा, जि. धुळे) या शनिवार, 17 जानेवारी 2026 रोजी दुपारी भडगाव बसस्थानकावरून बसमध्ये चढत असताना दुपारी 2.20 वाजेच्या सुमारास बसमधील गर्दीचा फायदा घेत अज्ञात चोरट्याने त्यांच्या गळ्यातील 66 हजार रुपये किमतीचे सोन्याचे मणी असलेले जुने मंगळसूत्र अतिशय शिताफीने चोरून नेले.
अज्ञाताविरोधात गुन्हा
मंगळसूत्र चोरीला गेल्याचे लक्षात येताच स्नेहल भावसार यांनी तात्काळ भडगाव पोलिस ठाणे गाठून तक्रार दिली. तपास पोलिस निरीक्षक महेश वर्मा यांच्या मार्गदर्शनाखाली हवालदार विजय धर्मा जाधव करीत आहेत.
