Bodies of five members of the same family found नवी दिल्ली (10 फेब्रुवारी 2026) : एकाच कुटुंबातील पाच जणांचे मृतदेह आढळले असून मृतदेहांजवळ दुधाचे ग्लास आढळले आहेत. पाचही जणांनी दुधात विष मिसळून आत्महत्या केल्याचा संशय आहे. मृतांमध्ये पती-पत्नी, एक मुलगा आणि दोन मुलींचा समावेश आहे. ही धक्कादायक घटना उत्तर प्रदेशातील महावनच्या खप्परपूर गावात घडली.
पीएम रिपोर्टनंतर होणार मृत्यूचे कारण स्पष्ट
सकाळी सर्वजण जागे न झाल्याने कुटुंबातील सदस्यांना आणि आजूबाजूच्या लोकांना घटनेची माहिती मिळाली. स्थानिक पोलिसांसह वरिष्ठ अधिकारीही घटनास्थळी पोहोचले आहेत. फॉरेन्सिक टीमलाही पाचारण करण्यात आले आहे. पोलिस कुटुंबातील सदस्य आणि ग्रामस्थांकडून माहिती घेत आहेत. पोस्टमॉर्टम रिपोर्टनंतर मृत्यूचे नेमके कारण कळू शकणार आहे.
खप्परपूर येथील रहिवासी 35 वर्षीय मनीष हा शेतकरी होता. सकाळी घरातून कोणीही बाहेर न आल्याने लोकांना संशय आला. त्यांना घरात मनीष, त्याची पत्नी, 32 वर्षीय सीमा, पाच वर्षीय मुलगी हनी, चार वर्षीय प्रियांशी आणि दोन वर्षांचा मुलगा पंकज यांचे मृतदेह पडलेले आढळले.
पाच मृतदेह पाहून लोकांमध्ये गोंधळ उडाला. पोलिसांना तात्काळ घटनेची माहिती देण्यात आली. पोलिसांनी घटनास्थळी पोहोचून तपास सुरू केला आणि मृतदेह शवविच्छेदनासाठी पाठवले. पोलिसांच्या माहितीनुसार, स्वयंपाकघरातील भिंतीवर एक चिठ्ठी लिहिलेली होती. यामध्ये आम्ही आत्महत्या करत आहोत. आत्महत्येचे कारण शोधण्यासाठी पोलिस मनीषच्या कुटुंबाची आणि शेजार्यांची चौकशी सुरू केली आहे.
