भुसावळातील वासुदेव ज्येष्ठ नागरिक संघाचे सवलतीत तीर्थाटन

मूळ तिकीटावर 50 टक्के सवलत
मंत्री सावकारे म्हणाले की, राज्य मार्ग परिवहन महामंडळाने हिंदुहृदय सम्राट बाळासाहेब ठाकरे एसटी संघे तीर्थाटन सेवा सुरू केली आहे. या योजनेच्या माध्यमातून 40 प्रवासांचा गट तयार झाल्यास महिलांना व ज्येष्ठ नागरिकांना मूळ तिकिटावर 50 टक्के सवलत तर 75 वर्षावरील जेष्ठ नागरिकांना विनामूल्य प्रवास देण्यासाठी आगार विभागनिहाय बसेस आरक्षित केल्या आहेत.

‘स्वस्त आणि सुरक्षित’ या ब्रीद वाक्यावर ही योजना आधारित असून सर्वसामान्य प्रवाशांना परवडेल अशा दरात धार्मिक पर्यटनाची अनुभूती देण्याचा तिचा मुख्य उद्देश आहे. अभ्यासू आणि चिकित्सक वृत्ती असल्याने डॉ.नितु पाटील जेष्ठ नागरिकांसाठी विविध उपक्रम राबवित असतात. सूत्रसंचालन सतीश जंगले तर प्रस्तावना डॉ.नि.तु.पाटील तसेच आभार प्रकाश पाटील यांनी मानले.

धार्मिक सहल आणि उत्साहीत जेष्ठ नागरिक
हिंदुहृदय सम्राट बाळासाहेब ठाकरे – एसटी संगे तीर्थाटन योजनेचा लाभ घेणारा वासुदेव ज्येष्ठ नागरिक संघ हा भुसावळ तालुक्यातील पहिला ज्येष्ठ नागरिक संघ ठरला आहे. श्री गजाजन महाराज दर्शनासाठी सर्व जेष्ठ नागरीक आनंदी आणि उत्साही दिसत आहेत, असे संयोजक डॉ. नितू पाटील म्हणाले.