जळगाव (3 एप्रिल 2026) : दर महिन्याच्या पहिल्या सोमवारी आयोजित करण्यात येणारा जिल्हास्तरीय लोकशाही दिन सोमवार, 6 एप्रिल 2025 रोजी सकाळी 10.30 वाजता जिल्हाधिकारी कार्यालयाच्या अल्पबचत सभागृहात होत असल्याची माहिती निवासी उपजिल्हाधिकारी वैशाली चव्हाण यांनी दिली.
तर संवाद साधण्याचे आवाहन
नागरिकांनी यापूर्वी तालुका लोकशाही दिनात अर्ज केला असेल आणि सदरहू अर्जासंबंधी एका महिन्याच्या आत तालुकास्तरावरुन कोणतेही उत्तर मिळालेले नसेल अशाच वैयक्तिक हितसंबधाबाबतच्या तक्रारी घेऊन या लोकशाही दिनी उपस्थित राहावे, असे आवाहन निवासी उपजिल्हाधिकारी यांनी प्रसिद्धी पत्रकाद्वारे केले आहे.
नागरिकांचा वेळ, प्रवासाचा खर्च व श्रम वाचावेत यासाठी जिल्हा प्रशासनाने अर्ज नोंदणी प्रक्रिया अधिक सुलभ केली असून 6 एप्रिल 2026 पासून पुढील सर्व लोकशाही दिनांसाठी नागरिकांना जिल्हाधिकारी कार्यालयात प्रत्यक्ष येण्याची आवश्यकता राहणार नाही.
नागरिकांना आपले अर्ज जिल्हाधिकारी जळगाव यांच्या गरश्रसरेप.र्सेीं.ळप या अधिकृत संकेतस्थळावर ऑनलाईन दाखल करण्याची सुविधा उपलब्ध करून देण्यात आली आहे.
नागरिकांकडून प्राप्त झालेले ऑनलाईन अर्ज जिल्हाधिकारी कार्यालयामार्फत संबंधित विभागांना ई-मेलद्वारे पाठविण्यात आले असून संबंधित विभागांनी सदर अर्जांवर केलेल्या कार्यवाहीचा अहवाल सादर करून सोमवार, 6 एप्रिल 2026 रोजी होणार्या लोकशाही दिनास उपस्थित राहावे, असेही प्रशासनाने कळविले आहे.
