जळगाव घरकुल घोटाळा : 31 ऑगस्टला सुनावणी

जळगाव : प्रचंड गाजलेल्या जळगावातील घरकुल घोटाळ्याप्रकरणी आता 31 ऑगस्ट रोजी सुनावणी होणार आहे. गेल्या अनेक दिवसांपासून घोटाळ्याप्रकरणी न्यायालयात कामकाज सुरू आहे. घरकुल घोटाळ्यात माजी मंत्री सुरेश जैन, माजी मंत्री गुलाबराव देवकर यांच्यासह अनेकांविरुद्ध गुन्हे दाखल आहेत. घोटाळ्याच्या निकालावर राजकीय मातब्बरांचे पुढील भवितव्य अवलंबून असल्याने न्यायालय नेमका काय निर्णय देते? याकडे जळगाव जिल्हावासीयांचे लक्ष लागले आहे.