नंदुरबार : नंदुरबार जिल्ह्यात रेमडेसीवरचा काळाबाजार सुरू असल्याचा आरोप खासदारांनी केल्याची घटना शुक्रवारी ताजी असताना
नंदुरबार रेमडेसिवीरचा इंजेक्शनचा काळाबाजार करणार्या एकाला स्थानिक गुन्हा अन्वेषण विभागाच्या पथकाने शहादा येथे अटक केल्याने खळबळ उडाली आहे. आरोपीकडून इंजेक्शन जप्त करण्यात आले आहे.
गोपनीय माहितीवरून कारवाई
स्थानिक गुन्हा अन्वेषण विभागाचे वरीष्ठ पोलीस निरीक्षक विजयसिंग राजपूत यांना याबाबत माहिती मिळाली होती, त्यानुसार त्यांनी सापळा काळ्याबाजारात इंजेक्शनची जादा दराने विक्री करणार्या रतिलाल देवराम पवार (सावखेडा) या तरुणाला अटक केली आहे. एका दुचाकीवरून तो शहादा येथील शतायु हॉस्पिटलच्या दिशेने विक्री करणार असल्याची खबर मिळाली होती त्यानुसार स्थानिक गुन्हा अन्वेषण विभागाने त्याला ताब्यात घेऊन चौकशी केली. यावेळी त्याच्याजवळ एक इंजेक्शन आढळून आले. ही कारवाई पोलीस अधीक्षक महेंद्र पंडित यांच्या मार्गदर्शनाखाली स्थानिक गुन्हे अन्वेषण शाखेचे वरिष्ठ पोलिस निरीक्षक विजयसिंह राजपूत यांच्या नेतृत्वाखाली पोलीस हवालदार दीपक बाळकृष्ण गोरे, पोलीस नाईक विकास कापुरे, पुरुषोत्तम सोनार, राजेंद्र घाटके, किरण मोरे, यशोदीप उगले या पथकाने केली.
