केंद्रीय मंत्री मंडळ विस्तारात हिना गावीत यांच्यासह डॉ.भारती पवार यांना संधी ?
नवी दिल्ली : केंद्रीय मंत्री मंडळाचा बुधवारी सायंकाळी सहा वाजता राष्ट्रपती भवनात नव्या मंत्र्यांचा शपथविधी सोहळा पार पडणार आहे. अद्याप मंत्र्यांच्या नावाची यादी अधिकृतपणे घोषित करण्यात आली नसलीतरी खान्देशातून खासदार डॉ.हिना गावीत तर उत्तर महाराष्ट्रातून नाशिकच्या दिंडोरी लोकसभा मतदारसंघाच्या खासदार डॉ.भारती पवार यांना संधी मिळण्याची शक्यता वर्तवली जात आहे.
पंतप्रधानांच्या निवासस्थानी पोहोचले नेते
पंतप्रधान नरेंद्र मोदी नव्या मंत्र्यांची संवाद साधणार आहेत. आतापर्यंत पंतप्रधानांच्या निवासस्थानी ज्योतीरादित्य शिंदे, सर्बानंद सोनोवाल, अजय भट्ट, कपिल पाटील, नारायण राणे, भारती पवार शांतनू ठाकूर, पशुपती पारस, मीनाक्षी लेखी, प्रीतम मुंडे, शोभा करांडलजे, अनुप्रिया पटेल, हिना गावीत, अजय मिश्रा, भागवत कराड हे नेते पोहचले आहेत. नव्या मंत्र्यांच्या समावेशासोबतच काही केंद्रीय राज्यमंत्र्यांना कॅबिनेटपदी बढतीही मिळू शकते. अनुराग ठाकूर, जी किशन रेड्डी, पुरुषोत्तम रुपाला यांना कॅबिनेटपदी बढती मिळू शकते.
