लाच भोवली : पिंपरी आयुक्तालयातील वरीष्ठ पोलीस निरीक्षक एसीबीच्या जाळ्यात

पुणे – 10 लाखांच्या लाच प्रकरणी पिंपरी पोलीस आयुक्तालयातील गुन्हे शाखेतील युनिट दोनचे पोलिस निरीक्षक अनिल ऊर्फ भानुदास अण्णासाहेब जाधव (वय 56) असे या पोलीस निरीक्षकाचे नाव आहे. तत्पूर्वी लाच घेताना ट्रॅप झाल्याचे लक्षात येताच झिरो पोलिस पळाला तसेच पैसे घेण्यासाठी आलेले म्हाळुंगे पोलीस चौकीचे भापकरही पळाला. तक्रारदाराविरुद्धव् फसवणुकीच्या गुन्ह्यात न्यायालयात सीफायनल पाठविण्यासाठी ही लाच मागण्यात आली.

सिने स्टाईल ट्रॅप
जाधव यांनी पोलीस कर्मचारी भापकर यांना पैसे घेण्यास पाठविले. त्यांनी झिरो पोलिसाला पैसे घेण्यासाठी पाठविले़ पैसे घेतल्यानंतर ट्रॅप झाल्याचे लक्षात येताच त्याने चालत्या गाडीतून उडी टाकल्याने त्याला पकडण्यासाठी गेलेले पोलीस उपअधीक्षक श्रीहरी पाटील हे जखमी झाले. चाकण येथील खराबवाडी रोडवर ही घटना घडली. भानुदास जाधव याच्यावर यापूर्वी देखील एनडीपीएस कायद्यान्वये गुन्हा दाखल झाला होता. मुंबईला असताना हे प्रकरण घडले होते़ त् यात ते 6 महिने तुरुंगातही जाऊन आले होते़ त्यानंतर त्यांनी आपले नाव बदलले होते. तर तक्रारदाराविरुद्धच्या फसवणुकीच्या गुन्ह्यात न्यायालयात सी फायनल दाखल करण्यासाठी भानुदास जाधव यांनी 10 लाख रुपयांची मागणी केली होती़ तक्रारदाराने लाचलुचपत प्रतिबंधक विभागाकडे संपर्क साधला़ पोलीस अधीक्षक राजेश बनसोड यांच्या मार्गदर्शनाखाली त्याची पडताळणी करताना त्यात तडजोड होऊन प्रथम तीन लाख रुपये देण्याचे ठरले. त्यानुसार पैसे देण्यासाठी तक्रारदार यांना खेड तालुक्यातील खराबवाडी येथे बोलविण्यात आले़ तेथे पोलीस कर्मचारी भापकर हा एका गाडीतून आला. त्यांनी स्कॉर्पिओ गाडीतून झिरो पोलिसांला पैसे घेण्यास सांगितले़ त्याने पैसे घेतले आणि जीपमध्ये ते ठेवले़ त्यानंतर त्याने जीप सुरू केली. त्याचवेळी सापळा लावून थांबलेल्या पोलिसांनी त्याला घेरण्याचा प्रयत्न केला़ उपअधीक्षक श्रीहरी पाटील यांनी जीपला पकडले मात्र ट्रॅप लक्षात झाल्याचे लक्षात येताच जीप पुढे नेण्यात आल्याने पाटील हे किरकोळ जखमी झाले. या घटनेनंतर या झिरो पोलीस पळून गेला तसेच भापकर ही पळाला. जीपमध्ये लाचेची रक्कम तसेच त्या झिरो पोलिसाचा मोबाईल हँडसेट पोलिसांनी जप्त केला. पोलिसांनी भानुदास जाधव यांना अटक केली आहे. या घटनेनंतर पुणे लाच लुचपत प्रतिबंधक विभागाचे प्रमुख अधीक्षक राजेश बनसोड हे स्वत: घटनास्थळी गेले़ चाकण पोलीस ठाण्यात जाधव यांच्यावर गुन्हा करुन रात्री उशीरा अटक करण्यात आली.