भुसावळ : दीपनगर औष्णिक वीज केंद्र प्रकल्पाजवळील पिंप्रीसेकम रोडवर भोगवती नदीजवळील जुन्या पुलाजवळ दोघांनी वीज केंद्रातील 17 हजार रूपये किंमतीचे दोन स्पेअर पार्ट शुक्रवारी सकाळी 4.30 वाजता चोरले मात्र पकडले जाण्याच्या भीतीने मुद्देमाल जागेवर टाकून पळ काढला. याप्रकरणी तालुका पोलिसांत चोरीचा गुन्हा दाखल झाला.
तालुका पोलिसात गुन्हा
दीपनगर प्रकल्पाजवळील पिंप्रीसेकम रोडवर भोगावती नदीच्या जुन्या पुलाजवळ प्रदीप सुरेश कोल्हे उर्फ झिपर्या व त्याचा साथीदार या दोघांनी प्रकल्पातील दोन स्पेअरपार्टची चोरी केली. सुमारे 17 हजार रूपये किमतीचे हे दोन्ही स्पेअर पार्ट होते. हे स्पेअरपार्ट घेऊन जाताना पकडले जाऊ या भितीने त्यांनी मुद्देमाल जागेवर सोडून पलायन केले. याप्रकरणी तेथील सुरक्षा रक्षक शिवदास सूर्यवंशी यांनी दिलेल्या फिर्यादीवरून तालुका पोलिस ठाण्यात गुन्हा दाखल झाला. तपास हवालदार योगेश पालवे करत आहे. भुसावळ पोलिसांनी मुद्देमाल जप्त केला आहे.
