नंदुरबार : केंद्रीय आरोग्य व कुटुंब कल्याण मंत्रालयाने नंदूरबार जिल्ह्यात वैद्यकीय महाविद्यालय उभारण्यास मंजुरी दिली आहे. केंद्रीय आरोग्य व कुटुंब कल्याण मंत्रालयाद्वारे देशात 157 ठिकाणी वैद्यकीय महाविद्यालये उभारण्यात येत आहेत. यातील 40 महाविद्यालये देशातील आकांक्षी जिल्ह्यात उभारणार आहेत.
पहिल्या यादीत 16 जिल्ह्यांमध्ये मंजुरी
पहिल्या यादीत 16 जिल्ह्यांमध्ये मंजुरी दिली असून यात महाराष्ट्रातील नंदुरबार जिल्ह्याचा समावेश आहे. केंद्र प्रायोजित योजनेअंतर्गत तीन टप्प्यात नवीन वैद्यकीय महाविद्यालये उभारण्यात येत असून आतापर्यंत 70 महाविद्यालये उभारण्यात आलेली आहेत. केंद्रीय आरोग्य व कुटुंब कल्याण राज्यमंत्री डॉ.भारती पवार यांनी शुक्रवारी लेाकसभेत ही माहिती दिली आहे.
