नंदूरबार : सेवानिवृत्त कर्मचार्याकडे घरफोडी करीत चोरट्यांनी 20 लाख 34 हजारांचा मुद्देमाल लांबवल्याने खळबळ उडाली. अज्ञाताविरूद्ध उपनगर पोलिस ठाण्यात गुन्हा दाखल करण्यात आला.
घरफोडीने उडाली खळबळ
नंदुरबार शहरातील गिरीविहार गेटजवळील सरस्वती नगर येथे सेवानिवृत्त कर्मचारी सखाराम गोरख पाटील त्यांच्या घरात येत्या काळात मंगल कार्य असल्याने धावपळ होती. त्यासाठी त्यांनी बँकेच्या लॉकरमधून नेहमी वापरण्यासाठी ठेवलेले दागिणे काढलेव बुधवारी त्यांनी दागिणे काढल्यानंतर खरेदीसाठी ते गुरुवारी सुरत येथे गेले असता चोरट्यांनी संधी साधली.
धाडसी घरफोडीने खळबळ
फिर्यादी सखाराम गोरख पाटील यांची मुलगी रूपा सखाराम पाटील साडूची मुलगी शिल्पा रतिलाल पाटील साडूचा मुलगा अमित विजय पटेल यांच्या मालकीचे सुमारे वीस लाख 17 हजार रुपये किमतीचे 79.5 तोळे सोन्याचे दागिणे, 10 हजार रुपये किंमतीचे घड्याळ पाच हजार रुपये रोख असा एकूण 20 लाख 34 हजाराचा मुद्देमाल चोरट्यांनी लंपास केला. शुक्रवारी दुपारी सखाराम पाटील घरी परत आल्यानंतर त्यांना घरात चोरी झाल्याचे लक्षात आले. त्यांनी तातडीने उपनगर पोलिसांना कळविले
पोलिस अधिकार्यांची धाव
अपर पोलीस अधीक्षक विजय पवार, उपविभागीय पोलिस अधिकारी सचिन हिरे, एलसीबीचे निरीक्षक रवींद्र कळमकर, उपनगर पोलिस ठाण्याचे निरिक्षक भदाणे यांच्यासह इतर अधिकार्यांनी घटनास्थळी भेट दिली.
