नवापूर : शहरातील रहिवासी युक्रेनमध्ये वैद्यकीय अभ्यासक्रमाचे शिक्षण घेण्यासाठी गेलेली विद्यार्थिनी आशिका ध्रुवराज सोनार ही रशिया-युक्रेनमधील युद्धामुळे युक्रेनमध्ये अडकली आहे शिवाय तिच्यासह अन्य तिघेही हॉस्टेलवर अडकून असल्याची माहिती आशिका सोनार हिने दिली आहे.
युद्धामुळे चौघे अडकले
मुंबईतील एकीसह चौघे होस्टेलवरच अडकून पडल्याची माहिती आशिकाने आपल्या नातेवाईकांना दिली असून युक्रेनमधील मिकोलाईव्ह, ओब्लास्ट या भागात ते अडकले आहे. गुरुवार, 24 रोजीचा नियोजित प्रवास रद्द झाला आहे. आशिकाने 26 फेब्रुवारी रोजीचे तिकीट काढले असलेतरी परतीच्या प्रवासाच्या वाटा सध्यातरी बंदच आहेत. 5 जानेवारी रोजी मिकोलाईव्ह येथील पेट्रो मोहल्या ब्लॅक सी’ या विद्यापीठात ती मबीबीएसच्या पहिल्या वर्षात प्रवेशित झाली. आशिका ही नवापूरच्या शिवाजी हायस्कूलमधून बारावी उत्तीर्ण झाली आहे.
