ई-यंत्र स्पर्धेत गाडगेबाबाचा संघ उपांत्य फेरीत
भुसावळ : हिंदी सेवा मंडळ संचलित श्री संत गाडगेबाबा अभियांत्रिकी महाविद्यालयाचा ब्लँका बोट्स संघ आयआयटी मुंबईच्या अत्यंत मानाच्या ई- यंत्र या स्पर्धेच्या उपांत्य फेरीसाठी पात्र ठरला. राष्ट्रीय पातळीवर या स्पर्धेत संपूर्ण भारतातील रोबोटिक्स विषयात उत्सुक अभियत्यांनी भाग घेतला आहे.
सोहेल कच्ची, वैष्णवी चौधरी, साक्षी सपकाळे, दामिनी पाटील यांनी आयआयटी, मुंबई येथे सहभाग नोंदवला होता.
विजयी संघाला साडेचार लाखांचे बक्षीस -सोहेल कच्ची
आमच्या संघाने लेखी परीक्षा व प्रत्यक्षातील मॉडेल संकल्पना ह्या दोन्ही पातळीवर सर्वोत्कृष्ट प्रदर्शन केले व उत्तर महाराष्ट्रातून पुढच्या फेरीसाठी पात्र झाले आहोत, पुढच्या वर्षी जानेवारीत उपांत्य व अंतिम फेरी आयआयटी मुंबईच्या टेक फेस्टमध्ये होणार आहे, विजयी संघाला साडेचार लाख रुपयांचे रोख बक्षीस मिळणार आहे, अशी माहिती संघ प्रमुख सोहेल कच्ची याने दिली. दरम्यान, प्राचार्य डॉ.आर.पी.सिंग, अ‍ॅकडेमीक डीन डॉ.राहुल बारजिभे, विभाग प्रमुख प्रा.डी.डी.पाटील, प्रा.प्रीती सुब्रमण्यम, प्रा.वाय.एस.पाटील, प्रा.आर.पी.चौधरी, प्रा.ए.पी.इंगळे, प्रा.आर.ए.अग्रवाल, प्रा.ए.डी.पाठक यांनी सत्कार केला.
