पंजाबमध्ये ‘आप’ पक्षाची चालली जादू : पंजाबच्या मुख्यमंख्यांना मोबाईल रीपेअर करणार्याने हरवले
Labh Singh Ugoke पंजाब : पाच राज्याच्या निवडणुकींचे निकाल गुरुवारी हाती आल्यानंतर सर्वाधिक चर्चा पंजाबमध्ये आप पक्षाने मिळवलेल्या निकालाची राहिली. काँग्रेसचे आपने सुपडे साफ करीत आत्मचिंतनाची वेळ आणली तर आप पक्षाचा उमेदवार व व्यावसायीक मोबाईल रीपेअर करणार्या व्यावसायीकाने पंजाबच्या मुख्यमंत्र्यांचा केलेला दारुण पराभवही चर्चेत ठरला. एका सर्वसामान्य माणसानं चरणजीत सिंह यांचा पराभव केला आहे. चरणजीत सिंह यांचा पराभव करणार्या आपच्या उमेदवाराचं नाव लाभ सिंह उगोके (Labh Singh Ugoke)असे नाव आहे.
केजरीवाल म्हणाले ; मोबाईल रीपेरींग करणार्याने केला मुख्यमंत्र्यांचा पराभव
आपचा हा विजयी उमेदवार एका मोबाईल रिपेरींग करणार्या कंपनीत नोकरीला असल्याचं केजरीवाल यांनी म्हटलं आहे. त्यांची आई एका सरकारी शाळेत सफाई कर्मचारी आहे, तर वडील शेतकरी आहेत, असंही अरविंद केजरीवाल (Arvind Kejriwal) यांनी म्हटलंय. पंजाबमध्ये मिळालेल्या दणदणीत विजयानंतर ते पंजाबमध्ये बोलत होते.
अनेकांचा दारुण पराभव
पंजाबच्या लोकांनी कमाल करुन दाखवली असल्याचं केजरीवाल (Arvind Kejriwal) यांनी म्हटलंय. निवडणुकीच्या निकालानंतर त्यांनी हे विधान केलंय. यावेळी मनिष सिसोदियादेखील सोबत होते. पंजाबच्या निकालानं मोठमोठ्या खुर्च्या हादरल्या आहेत, असंही त्यांनी म्हटलंय. सुखबिंदसिंह बादल, प्रकाशसिंह बादल, नवज्योत सिंह सिद्दी, विक्रम सिंह मजिठिया पराभूत झाले असल्याचं त्यांनी म्हटलंय. पंजाबमध्ये मोठा इन्कलाब झाला असल्याचा विश्वास त्यांनी यावेळी बोलून दाखवला आहे.
केजरीवाल स्पष्टच म्हणाले ; आता युक्रेनला जाण्याची गरज नाही, देशातच बनवू चांगले वैद्यकीय महाविद्यालय
आपण असा भारत बनवुया, की कुठल्याही मुलाला वैद्यकीय शिक्षण घेण्यासाठी युक्रेनमध्ये जाण्याची गरज पडू नये, इतके मेडीकल कॉलेज आपण आपल्याच देशात बनवुया. तुम्हाला माहितीय, पंजाबचे मुख्यमंत्री चरणजीतसिंह चन्नी यांना हरवणारा कोण आहे? त्याचं नाव आहे लाभ सिंग उगोके, काय करतो लाभ सिंग उगोके? तो एका मोबाईल रीपेअर करणार्या कंपनीत नोकरी करतो, त्याची आई सरकारी शाळेत सफाई कामगार आहे, वडील शेतात रोजंदारीवर काम करतात, अशा व्यक्तीने चन्नीला हरवले असल्याचे अरविंद केजरीवाल (Arvind Kejriwal) म्हणाले.
कोण आहेत लाभ सिंह उगोके?
लाभ सिंह उगोके (Labh Singh Ugoke) यांनी भदौरमधून निवडणूक लढवली होती. आम आदमी पार्टीतर्फे निवडणूक लढवलेल्या आणि विजयी झालेल्या लाभ सिंह उगोके यांचं वय 35 वर्ष आहे. त्यांचं बारावीपर्यंत शिक्षण झालंय. 3 लाख 70 हजार रुपये इतकी संपत्ती असल्याचं त्यांनी म्हटलं होतं.
