नंदुरबार : म्हसावद ते धडगाव रस्त्यावर उनपदेव फाट्याजवळ म्हसावद पोलिस ठाण्याच्या पथकाने म्हसावदकडून धडगावकडे जाणार्या पिकअपमधून 8 लाख 78 हजारांचे मद्य, पिकअप जप्त करण्यात आली आहे.
गोपनीय माहितीवरून कारवाई
पिंप्री-म्हसावद मार्गे धडगाव येथे एका पांढर्या रंगाच्या पिकअपमधून अवैध देशी-विदेशी मद्याची वाहतूक होणार असल्याची माहिती पोलिसांना मिळाली होती. त्यानंतर पोलिस अधीक्षक पी.आर.पाटील यांनी कारवाईचे आदेश दिले. पोलिस निरीक्षक निवृत्ती पवार, पोलिस उपनिरीक्षक सुनील बिर्हाडे यांच्यासह सापळा रचून मद्य पकडले. या कारवाईत 8 लाख 78 हजार 400 रुपयांचे मद्य, 5 लाखांची पिकअप (एमएच-04-डीएस 6402) असा एकूण 13 लाख 95 हजार 290 रुपयांचा मुद्देमाल जप्त केला. याप्रकरणी हिंमत रोहिदास पवार (वय 24 रा. बिलगाव ता. धडगांव) व खिमजी रमसिया राठोड (रा. केलदी किमला पो. बखतगड ता. सांडवा जि. अलिराजपूर मध्य प्रदेश) यांना अटक केली.
