शालार्थ आय.डी.सह. त्रुटी पूर्तता यादीबाबत शिक्षक आमदार किशोर दराडे यांना शिक्षकांचे साकडे
भुसावळ : माजी मंत्री गिरीश महाजन यांच्या कन्येच्या विवाह सोहळ्याप्रसंगी जामनेर शहरात आलेले नाशिक विभागाचे शिक्षक आमदार किशोर दराडे यांना राज्यातील शिक्षकांच्या विविध प्रश्नांसंदर्भात संघटनेतील पदाधिकार्यांनी साकडे घातले.
यांची होती उपस्थिती
जिल्हा माध्यमिक पतपेढीचे माजी अध्यक्ष संभाजी पाटील, जळगाव जिल्हा ज्युनियर कॉलेज संघटनेचे कार्याध्यक्ष शैलेश राणे, प्रा.अनिल परदेशी, प्राथमिक शिक्षक संघटनेचे दिलीप पाटील, ग.स.सोसायटीच्या माजी संचालिका कल्पना पाटील, किरण सुरळकर यांच्यासह असंख्य शिक्षकांची उपस्थिती होती.
शालार्थ आयडीचा प्रश्न सोडवण्याची मागणी
याप्रसंगी शालार्थ आयडीचा प्रश्न हा खूप महत्वाचा असल्याने शिवाय मार्च महिना संपण्यावर आल्याने शिक्षकांच्या आशा मावळत चालल्या असून गेल्या आठ महिन्यांपासून वेतन नसल्याने शिक्षकांना अनेक अडचणींचा सामना करावा लागत असल्याने ठोस पावले उचलण्याची मागणी आमदार किशोर दराडे यांच्याकडे करण्यात आली. आमदारांनी एच.एस.सी.बोर्डाचे अध्यक्ष नितीन उपासनी यांच्याशी दूरध्वनीवरून संपर्क केले असता 25 मार्च 2022 पर्यंत सर्व शालार्थ आयडी व ऑनलाइन शालार्थ ड्राफ्ट भरलेल्या शिक्षकांच्या खात्यावर वेतन अदा करण्यात येईल, असा विश्वास यावेळी व्यक्त केला. दरम्यान, यावेळी त्रृटी पूर्ततेची शाळांना अनुदान देणे, अघोषित शाळा घोषित करून शाळांना अनुदान देणे, जुन्या प्रचलित सूत्रानुसार अनुदान मिळणे या विषयांवर बैठकीमध्ये चर्चा करण्यात आली.
धुळ्यातील पाच कंदील परीसरातील शंकर मार्केटला आग : 40 दुकाने खाक
विविध मागण्यांचे निवेदन सादर
आमदार किशोर दराडे यांना मागण्याचे निवेदन देण्यात आले. यावेळी ज्येष्ठ शिक्षक नेते संभाजी पाटील, जुक्टो कार्याध्यक्ष शैलेश राणे, अनिल परदेशी, महेश पाटील, अर्चना चव्हाण व असंख्य शिक्षक उपस्थित होते. जुक्टो संघटनेचे ज्येष्ठ मार्गदर्शक प्रा.सुनील गरुड यांनीही दूरध्वनीवरून वरील समस्यांसंदर्भात निवेदन केले.
एरंडोलच्या प्राध्यापकाची प्लॉट खरेदीत 37 लाखांची फसवणूक : दोघांना अटक
