Gevrai Balatkar गेवराई : शहरातील अहिल्यानगर भागातील 29 वर्षीय विवाहितेवर लग्नाचे आमिष दाखवून शंकर दिलीप मोरे (32, रा. राजपिंप्री, ह. मु शिवाजीनगर, गेवराई) याने बलात्कार (Rape) केल्याची घटना उघडकीस आली. याप्रकरणी गेवराई पोलिसांत शुक्रवारी रात्री 11 वाजता गुन्हा दाखल करण्यात आला.
जळगावात हॉटेलमध्येही तोडफोड ; मद्यपीने पोलिस कर्मचार्याला मारला चाकू
एकांतात अतिप्रसंग
शंकर मोरेच्या शहरात असलेल्या दुकानात कपडे खरेदी करण्यासाठी अहिल्यानगरातील 29 वर्षीय विवाहिता गेली असता तिला कपडे दाखवताना वाईट उद्देशाने स्पर्श केला. तसेच तुम्ही माझ्या दुकानात पहिल्यांदा आलात म्हणून चहा घ्या म्हणत बराच वेळ थांबवले. कपड्याचे बिल तयार करून त्यांच्याकडे मोबाइल नंबर मागितला. त्यानंतर मला फोन करून तुम्हाला महत्त्वाचे बोलायचे व भेटायचे आहे, असे सांगितले. त्यानंतर शासकीय आयटीआय परिसरात बोलावले. तिथे गेल्यानंतर त्याने अतिप्रसंग केला. तुझ्याशी लग्न करतो, तुझी मुले सांभाळतो’ असे सांगून मला बळजबरीने रीक्षात बसवून मादळमोही या ठिकाणी लॉजवर नेऊन पुन्हा बलात्कार (Rape) केला.
जळगावचा छायाचित्रकार नाशिकमधील अपघातात ठार
फसवणुकीनंतर आरोपीविरोधात गुन्हा
लग्नाबाबत विचारणा केली असता तू विशिष्ट समाजाची आहेस, तुम्हाला कसली इज्जत’ असे म्हणून जिवे मारून टाकीन, अशी धमकी दिली. फसवणूक झाल्याची बाब लक्षात येताच तिने तिच्यासोबत घडलेला प्रकार मोठ्या बहिणीला व भावाला सांगितला व पोलिसात तक्रार दाखल करण्यात आली.
भुसावळात अपार्टमेंटला भीषण आग : मयत व्यापार्यावर शोकाकुल वातावरणात अंत्यसंस्कार
