जळगाव : जुन्या भांडणाच्या कारणावरून महिलेच्या घरातील रोकडसह सोन्याची मंगलपोत व दागिने असा अडीच लाखाचा मुद्देमाल जबरी चोरून नेणार्‍या दोन संशयितांना एमआयडीसी ताब्यात घेतले आहे.
चाळीसगाव तालुक्यातील मोसंबी उत्पादकांना 34 लाखांचा गंडा : तिघे भामटे जाळ्यात
जुन्या भांडणातून लांबवला होता ऐवज
जळगाव शहरातील रचना कॉलनी येथे राहणार्‍या आशाबाई गोपाल चौधरी (42, रा.रचना कॉलनी, जळगाव) या आपल्या कुटुंबियांसह वास्तव्यास असून मंगळवार, 15 मार्च रोजी पहाटे तीन वाजेच्या सुमारास जुन्या भांडणाच्या कारणावरून सुनील रसाळ राठोड, संजय रसाळ राठोड (रा. कासमवाडी), विशाल पदमसिंग परदेशी (कुसुंबा) आणि रुपेश संजय सपकाळे (कांचन नगर) यांनी महिलेच्या घरात घुसून मारहाण केली व घरातील सामानांची तोडफोड केली तसेच महिलेच्या घरातील एक लाखांची रोकड, सोन्याची मंगलपोत व सोन्याचे दागिने मिळून दोन लाख 35 हजारांचा ऐवज लांबवला होता. या प्रकरणी महिलेने एमआयडीसी पोलिस ठाण्यात धाव घेऊन तक्रार दिल्यानंतर सुनील राठोड, संजय राठोड (दोन्ही रा.कासमवाडी), विशाल पदमसिंग परदेशी (कुसुंबा), रुपेश संजय सपकाळे (कांचन नगर), गणेश भास्कर सोनार, अविनाश रामेश्वर राठोड (रा.रेणुका नगर, मेहरूण, जळगाव) आणि ललित उमाकांत पाटील (ईश्वर कॉलनी, जळगावत्र यांच्या विरोधात गुन्हा दाखल करण्यात आला होता.
एमआयडीसी पोलिसांनी आवळल्या मुसक्या
या गुन्ह्यातील संशयीत आरोपी सुनिल राठोड, संजय राठोड, विशाल परदेशी, रूपेश सपकाळे आणि गणेश सोनार यांना यापुर्वीच अटक केली होती तर पसार असलेले संशयीत आरोपी अविनाश रामेश्वर राठोड, (रा.रेणुका नगर मेहरूण, जळगाव) व ललित उमाकांत पाटील (ईश्वर कॉलनी, जळगाव) यांना सोमवार, 28 मार्च रोजी जैनाबाद परीसरातून अटक करण्यात आली.
यांनी केली आरोपींना अटक
ही कारवाई पोलिस निरीक्षक प्रताप शिकारे यांच्या मार्गदर्शनाखाली एपीआय प्रमोद कटोरे, एएसआय अतुल वंजारी, किरण पाटील, प्रदीप पाटील, मुकेश पाटील, किशोर पाटील, सचिन पाटील आदींच्या पथकाने केली. दोन्ही संशयीतांना मंगळवार, 29 मार्च रोजी न्यायमूर्ती शेख यांच्या न्यायालयात हजर केले असता दोन दिवसांची पोलिस कोठडी सुनावण्यात आली.
सरकारी अभियंत्याच्या घरात सापडली एक कोटी 36 लाखांची बेनामी रोकड व कोट्यवधींच्या मौल्यवान वस्तू
