वन्य प्राण्यांचा बंदोबस्त करा : मुक्ताईनगरचे आमदार चंद्रकांत पाटील

उपाययोजना करण्याच्या सूचना
आमदार चंद्रकांत पाटील यांनी सोमवारी शासकीय विश्रागृहावर वन विभागाचे अधिकारी, वीज वितरणचे अधिकारी यांची बैठक घेवून यासंदर्भात महत्त्वपूर्ण सूचना केल्या. वन्य प्राण्यांचे हल्ले रोखण्यासाठी शासनाच्या धोरणानुसार प्रतिबंधात्मक उपाययोजना कराव्यात, अशा सूचना वनविभागाच्या अधिकार्‍यांना दिल्या. घोडसगाव येथील शेतकरी रामा कोळी यांच्या गायीचा बिबट्याने फडशा पाडल्याने वन अधिकार्‍यांना तातडीने स्थळ पंचनामा त्वरीत करण्याचेदेखील आदेश या बैठकीत देण्यात आले. रात्रीच्या भारनियमनाबाबत सूचना करण्यात आल्या तसेच वन विभागामार्फत भूजल संधारणासाठी तरतूद असलेल्या व रोहयो अंतर्गत काम होणार्‍या सीसीट ी(सलग समतल चर) च्या कामासाठी आराखडा तयार करण्याच्या सुचना करण्यात आल्या.

यांची बैठकीला उपस्थिती
यावेळी डी.एफ.ओ.विवेक हौसिंग आर.एफ.ओ. आशुतोष बच्छाव, वनपाल पी.टी पाटील, शिवसेना तालुकाप्रमुख छोटु भोई, अफसर खान, प्रफुल्ल पाटील, महेंद्र मोंढाळे, गोलु मुर्हे, प्रदीप कोल्हे, रामा कोळी, संजय पोटदुखे, सारंग पटेल, कृष्णा पटेल, अरुण जावरे, भागवत दांडगे, सतीष वाघ, अनिल पटेल, जितेंद्र दांडगे उपस्थित होते.