मुक्ताईनगर तालुक्यातील छायाचित्रकाराने विषारी द्रव प्राशन करीत केली आत्महत्या
मुक्ताईनगर : तालुक्यातील माळेगाव येथील छायाचित्रकार रीतेश बाळू पाटील याने मंगळवारी विषारी द्रव प्राशन करीत आत्महत्या केली. रीतेशने आत्महत्या का केली? याचे कारण कळू शकले नाही.
तरुणाच्या आत्महत्येने हळहळ
मुक्ताईनगर तालुक्यातील माळेगाव येथील रहिवासी रीतेश बाळू पाटील (22) हा फोटोग्राफी आणि व्हिडीओग्राफी करून आपल्या कुटुंबाचा उदरनिर्वाह करीत होता मात्र मंगळवारी रीतेशने अचानक विषारी द्रव प्राशन करून आपली जीवनयात्रा संपवली. अतिशय दुर्दैवी बाब म्हणजे रीतेश पाटील याचे वडील आधीच मयत असून त्याच्या भावाचादेखील अपघाती मृत्यू झाला आहे. आता त्याच्या पश्चात शेतमजुरी करणारी आई आणि दिव्यांग बहिण आहे. रीतेशने इतके टोकाचे पाऊल का उचलले ? याची माहिती समोर आली नाही. या घटनेमुळे तालुक्यात हळहळ व्यक्त करण्यात आली.
