मुंबई : गृह मंत्रालयाने राज्यातील वरीष्ठ पोलिस अधिकार्‍यांच्या बदल्यांचे आदेश काढल्यानंतर काही तासातच नवा आदेश काढत बदली आणि पदोन्नतीच्या आदेशातील पाच अधिकार्‍यांच्या बदल्यांना स्थगिती देण्यात आल्याने खळबळ उडाली आहे. दरम्यान, अचानक या अधिकार्‍यांच्या बदली व पदोन्नतीला स्थगिती का मिळाली ? असा प्रश्न उपस्थित होत आहे.
या अधिकार्‍यांच्या बदल्यांना स्थगिती
राज्याच्या गृहविभागाने राज्यातील वरीष्ठ पोलिस अधिकार्‍यांच्या बदल्यांचे आदेश बुधवारी काढले. त्यात नाशिक पोलिस आयुक्तपदी जयंत नाईकनवरे, पिंपरी चिंचवड आयुक्तपदी अंकुश शिंदे यांची नियुक्ती करण्यात आली होती. मात्र, मुंबई आणि ठाण्यातील पाच अधिकार्‍यांच्या बदलीला स्थगिती देण्यात आली आहे. त्यात पोलिस अधिकारी पंजाबराव उगले, दत्तात्रय शिंदे, संजय जाधव, महेश पाटील, राजेंद्र माने या पाच अधिकार्‍यांचा समावेश आहे. या पाचही अधिकार्‍यांना अपर पोलिस आयुक्तपदी बढती देण्यात आली होती मात्र, या बढती आदेशाला अचानक स्थगिती देण्यात आली आहे.
