सिन्नर : भरधाव टेम्पोने दुचाकीला धडक दिल्यानंतर झालेल्या अपघातात तिघांचा मृत्यू झाला. शंकर मुरलीधर शेखर (48), अशोक त्र्यंबक तळपे (29, घोडेवाडी) व काशिनाथ आवारी (56, लहावीत) अशी मयतांची नावे आहेत. सिन्नर- घोटी महामार्गावर बेलू शिवारात हा अपघात झाला.
बर्हाणपूर-अंकलेश्वर महामार्गासाठी आठ हजार कोटी : जळगावात केंद्रीय मंत्री नितीन गडकरींची घोषणा
जागीच तिघांचा मृत्यू
तळपे, आवारी व शेखर हे तिघे दुचाकी (क्रमांक एम.एच.15 सी.सी. 3601) ने सिन्नरकडे येत असताना समोरुन येणार्या टेम्पो (क्रमांक एम. एच. 15/ एफ. व्ही. 6633) ने दुचाकीला जोरदार धडक दिली. यात दुचाकीवरील तिघेही रस्त्यावर पडून गंभीर मार लागल्याने त्यांचा जागीच मृत्यू झाला. या प्रकरणी अरुण शंकर शेखरे (21) याने टेम्पोचालक गणेश पुंडलिक खैर (48, दिंडोरी) याच्याविरुद्ध तक्रार दाखल केली. अधिक तपास सहायक पोलीस निरीक्षक गणेश परदेशी करीत आहेत.
