मुक्ताईनगर तहसीलच्या भोंगळ कारभाराविरोधात शिवसेनेतर्फे धरणे आंदोलन

सोपान नगरात घर जळाले : संसार आला उघड्यावर

धाबेपिंप्रीकरांना रेशनकार्डच नाही
मुक्ताईनगर तालुक्यातील धाबेपिंप्री येथील नागरीकांनी दोन महिन्यांपूर्वी शिधापत्रिका ऑनलाईन करण्यासाठी अर्ज दिला होता मात्र अद्यापही ऑनलाईन कामकाज झालेले नाही तसेच तालुक्यातील अनेक शिधापत्रिका धारकांनी ऑनलाईनसह अन्य कामांसाठी तहसीलमध्ये अर्ज केलेले आहे. पण त्यांचीही कामे झाली नाहीत. नाहक नागरीकांना गावातून भर उन्हात तहसील कार्यालयाच्या चकरा माराव्या लागत असून मनस्तापाला सामोरे जावे लागत असल्याची तक्रार मांडण्यात आली शिवाय तालुक्यातील वढवे गावाजवळ एका व्यक्तीने गावनाल्यात अवैध मुरूम टाकल्याने शेतकर्‍याच्या शेतात पाणी शिरत असल्याने पिकांचे नुकसान होत असल्याचे सांगण्यात आले शिवाय तहसीलदारांकडे तक्रार करूनही दखल घेण्यात आली नसल्याचे पदाधिकारी यावेळी म्हणाले.

यांचा आंदोलनात सहभाग
यावेळी शिवसेना तालुकाप्रमुख छोटु भोई, विधानसभा क्षेत्रप्रमुख सुनील पाटील, प्रफुल पाटील, नगरसेवक राजेंद्र हिवराळे, आरीफ आझाद, शहरप्रमुख गणेश टोंगे, अफसर खान, गोपाळ सोनवणे, नगरसेवक मुकेश वानखेडे, संतोष कोळी, निलेश शिरसाट, संतोष मराठे, नवनीत पाटील, पंकज राणे, महेंद्र मोंढाळे, स्वीय सहायक प्रवीण चौधरी, प्रशांत पाटील, शुभम शर्मा यांच्यासह नागरीक उपस्थित होते.

समस्या सुटणार : तहसीलदारांनाही सूचना : प्रांताधिकारी
तहसील कार्यालयातील काही प्रश्नांसंदर्भात आमदारांच्या उपस्थितीत आंदोलन करण्यात आले. रेशनकार्डाबाबत ज्या गावातील समस्या आहेत त्या अर्जांमध्ये त्रृटी होत्या मात्र आता त्या गावातच रेशनकार्ड शिबिर लावण्यात येणार असल्याने तो प्रश्न सुटणार आहे शिवाय इतर प्रश्नही सोडवण्याच्या सूचना तहसीलदारांना करण्यात आल्याचे प्रांताधिकारी रामसिंग सुलाणे यांनी सांगितले.