उपोषण आंदोलनाची दखल : शेलवडलाच राहणार बँक ऑफ महाराष्ट्रची शाखा

मुक्ताईनगर : बोदवड तालुक्यातील शेलवड येथील बँक ऑफ महाराष्ट्राची शाखेचे बोदवड शाखेत विलीकरण होणार असल्याने या निर्णयाविरोधात शेलवड गावातील बँकेच्या शाखेसमोर दोन दिवसांपासून उपोषण छेडण्यात आले होते. खासदार रक्षा खडसे यांनी बुधवारी ग्रामस्थांची भेट घेतली व समस्या जाणल्यानंतर बँक ऑफ महाराष्ट्राच्या क्षेत्रीय अधिकार्‍यांशी संवाद साधून अडचणी सांगितल्यानंतर बँक अधिकार्‍यांनी शाखेचे स्थलांतर होणार नसल्याचे स्पष्टीकरण दिल्याने आंदोलकांना मोठा दिलासा मिळाला.

भुसावळातील 63 धार्मिक स्थळांनी घेतली ध्वनिक्षेपक वापराची परवानगी

सुविधा पुरवण्याचे आश्वासन
मूळ शाखेचे स्थान, नेटवर्क समस्या, मोठा व सुरक्षित शाखा परीसराचा अभाव, व्यवसाय नफा-तोटा आदी सर्व गोष्टींचा विचार करता शेलवड शाखेत सर्व सुविधांची पूर्तता करणे बँकेला अवघड होत असल्याने शेलवड येथील बँक ऑफ महाराष्ट्र शाखेचे बोदवड शाखेत विलीनीकरण करण्याचा प्रस्ताव होता मात्र आता शेलवडची शाखा पूर्वीप्रमाणे सुरळीत सुरू राहील. ग्राहकांच्या तक्रारींचे त्वरित निराकरण करण्यात येईल, इतरही सुविधा पुरवण्याात येतील, असे आश्वासन बँकेच्या अधिकार्‍यांनी दिले.