भुसावळ : खून केल्यानंतर काही महिन्यानंतर जामिनावर बाहेर येताच पुन्हा गुन्हेगारीकडे वळलेल्या संशयीतांचे जामीन रद्द व्हावे या संदर्भात भुसावळ पोलिस उपअधीक्षक सोमनाथ वाघचौरे यांच्या नेतृत्वात खंडपीठात अपिल करण्यात आले होते. या अपिलावर सुनावणी झाल्यानंतर साकेगाव खूनाच्या प्रकरणातील तीन संशयीतांचे जामीन रद्द करण्यात आले. जयेश पाटील, महेश पाटील व मयुर पाटील यांचे जामीन रद्द करण्यात आले असून तिघांनी 30 जूनपर्यत स्वत: हजर होऊन जावे किंवा अपेक्स पोर्टात अपील करावेत, असे आदेशात नमूद करण्यात आले आहे.
पोलिसांच्या भूमिकेनंतर उपद्रवींच्या वाढल्या अडचणी
गंभीर गुन्ह्यातील संशयीत जामिनावर बाहेर येताच पुन्हा गुन्हे गरीत असल्याने पोलिसांनी अशा उपद्रवींच अभ्यास केला व तब्बल 11 जणांचे जामीन रद्द करण्याबाबत औरंगाबाद खंडपीठात अपील केले होते व त्यातील त्यातील तीन जणांचे जामीन रद्द करण्यात आल्याने उपद्रवींच्या गोटात खळबळ उडाली आहे तर अन्य सात संशयीतांच्या अपिलावरही लवकरच सुनावणी होणार आहे. पोलिस प्रशासनाकडून अजूनही काही संशयीतांचे प्रस्ताव तयार करून ते खंडपीठात सादर केले जाणार आहे, असे सूत्रांनी सांगितले.
