Sanjay Raut संजय राऊत स्पष्टच म्हणाले : आघाडीतून बाहेर पडू मात्र समोर येवून चर्चा करा
Sanjay Raut मुंबई : राज्यातील राजकीय भूकंपानंतर आघाडी सरकार अस्थिर झाल्यानंतर राज्यात दररोज नवनवीन घडामोडी घडत आहेत. गुरुवारी सेना नेते संजय राऊत (Sanjay Raut) यांनी बंडखोर आमदारांना आवाहन केले असून 24 तासात मुंबई परत या, मुुख्यमंत्री उद्धव ठाकरेंशी चर्चा करा व शिवसेनेने मविआतून बाहेर पडले पाहिजे, असे वाटतं असेल तर त्याबाबत नक्की विचार होईल मात्र त्यासाठी तेथून पत्र पाठवू नका, समोर या, असेही राऊत म्हणाले आहे. दरम्यान, बुधवारीच शिवसेनेत दोन गट पडल्याचे समोर आल्यानंतर राऊत यांच्या वक्तव्यानंतर राजकीय वर्तुळात मोठी खळबळ उडाली आहे.
भुसावळात दहावीच्या विद्यार्थिनीची आत्महत्या
सेनेकडे आता अवघे 17 आमदार
राज्यातील राजकारण गेल्या काही दिवसांपासून शिवसेना आणि शिंदे यांच्याभोवती फिरत आहे. शिंदे गटाला 38 शिवसेना आमदार आणि 7 अपक्षांचा पाठिंबा आहे. दुसरीकडे, वर्षावर शिवसेनेनं बोलवलेल्या बैठकीला 17 आमदार उपस्थित होते. गेल्या चार दिवसापासून महाराष्ट्रात राजकीय गोंधळ सुरू आहे. रोज कुणीतरी आमदार इकडून-तिकडे गेल्याचं दिसत आहे. त्यामुळे नेमके कोणते आणि किती आमदार कुणाबरोबर आहे, याबाबत संभ्रम कायम आहे. 17 आमदारांच्या उपस्थितीत शिवसेना खासदार संजय राऊत (Sanjay Raut) यांनी भाजपावर घणाघाती आरोप केले.
हात तर गुलाम बनवण्याचा प्रयत्न
आज आपल्यासमोर शिवसेनेचे दोन आमदार आहेत. मराठवाड्यातले कैलास पाटील आणि विदर्भातले नितीन देशमुख आमच्याबरोबर आहेत. यातले एकजण सूरतहून आलेत तर दुसरे गुवाहाटीवरुन आले आहेत. इथे येताना त्यांना संघर्ष करावा लागला. ही संपूर्ण कहाणी थरारक आहे. शिवसेनेचा आमदारांना अपहरण आणि फसवून भाजपाने नेलं आहे. गुलाम बनवण्याचा प्रयत्न सुरु आहे, असा आरोप संजय राऊत (Sanjay Raut) यांनी केला.
ठाकरे सरकार अस्थिर झाल्यानंतर गुलाबराव पाटलांच्या ‘त्या’ व्हिडिओची जोरदार चर्चा
