जळगाव : शहरातील अयोध्यानगर भागातील रहिवासी प्रमिलाबाई नरेंद्र अस्वाल (45) यांनी रविवार, 26 रोजी सायंकाळी राहत्या घरात गळफास घेऊन आत्महत्या केली. त्यांच्या मुलाच्या लक्षात हा प्रकार आल्यानंतर मृतदेह शासकीय वैद्यकीय महाविद्यालयात व रुग्णालयात हलवला होता. प्रमिलाबाई यांनी आत्महत्या का केली? याचे कारण स्पष्ट झालेले नाही.
एमआयडीसी पोलिसात नोंद
मयत विवाहितेच्या पश्चात पती व दोन मुले असा परीवार आहे. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली. पुढील तपास किरण पाटील करीत आहे.
