Bhusawal City Police Station भुसावळात बेवारस मॅग्झीनसह तीन काडतूस आढळले

Three Cartridges With an Unused Magazine Were Found in Bhusawal भुसावळ : शहर पोलिस ठाण्याच्या हद्दीतील कवाडे नगर भागातील बौद्ध विहाराजवळ असलेल्या रहिवाशाच्या घरामागील मोकळ्या जागेत गावठी कट्ट्याचे मॅग्झीनसह तीन जंगलेले काडतूस आढळल्याने शहरात खळबळ उडाली आहे. हे मॅग्झीन व काडतूस नेमके कुणाचे ? वा कुणी येथे आणून टाकले ? असा प्रश्न उपस्थित होत आहे. भुसावळ शहर पोलिसांकडून याबाबत सखोल चौकशी सुरू आहे. शहर पोलिस ठाण्याच्या स्टेशन डायरीत या प्रकरणी नोंद करण्यात आली आहे.

ज्युनिअरच्या हाताखाली फडणवीस काम करतील असे वाटले नव्हते : एकनाथराव खडसे

शहर पोलिसांची धाव
शहरातील कवाडे नगर भागातील बौद्ध विहाराजवळ वास्तव्यास असलेल्या दोन रहिवाशांच्या घरामागील सामायीक भिंतीजवळ मोकळ्या जागी काडतूस व मॅग्झीन पडून असल्याची माहिती शहर पोलिस ठाण्याचे निरीक्षक गजानन पडघण यांना गुरुवारी रात्री 11 वाजता मिळाली होती. याबाबत त्यांनी शहर पोलिसांना कारवाईबाबत आदेश दिले होते. शहरचे सहाय्यक पोलिस निरीक्षक संदीप दुनगहू, जाकीर मन्सुरी, जुबेर शेख, मोहम्मद वली सैय्यद आदींनी रात्रीच घटनास्थळ गाठल्यानंतर पोलिसांनी बेवारसरीत्या पडून असलेले मॅग्झीन व तीन गंजलेल्या अवस्थेतील काडतूस जप्त केले.